Thursday, December 26, 2019
សៀវភៅគណិតវិទ្យាថ្នាក់ទី៨
https://drive.google.com/file/d/1-PkXH_kb9gVba3hyHTVmjg0oYxtYJYo5/view?usp=drivesdk
Saturday, June 15, 2019
កម្មវិធីសិក្សាថ្នាក់ឧត្តមសិក្សាមួយចំនួនហាក់នៅសតវត្សរ៍ទី២០នៅឡើយ
ឈានដល់យុគ្គសម័យបដិវត្តន៍ឧស្សាហកម្មទី៤ ដោយផ្តោតខ្លាំងលើបច្ចេកវិទ្យា
និងនវានុវត្តន៍ថ្មីៗ ដូចជាបច្ចេកវិទ្យាបញ្ញាសប្បនិមិត្ត និងរ៉ូបូតជាដើម ដែលជះឥទ្ធិពលខ្លាំងលើគ្រប់ទិដ្ឋភាពជីវិតរស់នៅរបស់មនុស្ស(១)។ និន្នាការអប់រំសតវត្សរ៍ទី២១ ការផ្លាស់ប្តូរជាខ្លាំងដើម្បីផលិតធនធានមនុស្សឆ្លើយតបទៅនឹងដំណើរវិវត្តន៍របស់សង្គមនេះ និងការប្រកួតប្រជែង។ សម្រាប់ប្រទេសកម្ពុជា
រាជរដ្ឋាភិបាលបាននឹងកំពុងយកចិត្តទុកដាក់ជាខ្លាំងលើការកែទម្រង់ប្រព័ន្ធអប់រំ
តាមរយៈការបង្កើនថវិកាចំណាយប្រចាំឆ្នាំដល់វិស័យអប់រំពីមួយឆ្នាំទៅមួយឆ្នាំ
ដើម្បីផលិតធនធានមនុស្សដែលមានលក្ខណៈសម្បត្តិគ្រប់គ្រាន់ពេញលេញក្នុងការចូលរួមចំណែកអភិវឌ្ឍន៍ប្រទេស។
ជាមួយគ្នានេះ ក្រសួងអប់រំ យុវជន និងកីឡា បានប្តេជ្ញាចិត្តធ្វើឱ្យសម្រេចនូវគោលដៅរួមរបស់ SDG 4
គឺធានាឱ្យបាននូវការអប់រំប្រកបដោយគុណភាពបរិយាប័ន្ន សមធម៌ និងលើកកម្ពស់ឱកាសសិក្សាពេញមួយជីវិតសម្រាប់ទាំងអស់គ្នា(២)។ ប្រទេសកម្ពុជាមានគោលដៅប្រែកា្លយប្រទេសទៅប្រទេសឧស្សាហកម្មនៅឆ្នាំ២០២៥
តាមរយៈការដាក់ចេញនូវផែនការយុទ្ធសាស្ត្រអភិវឌ្ឍន៍ឧស្សាហកម្មឆ្នាំ២០១៥-២០២៥(៣) និងជាប្រទេសចំណូលមធ្យមកម្រិតខ្ពស់នៅឆ្នាំ២០៣០(៤)។
ដើម្បីសម្រេចគោលដៅនេះ
ការអប់រំនៅឧត្តមសិក្សាដើរតួនាទីយ៉ាងសំខាន់ក្នុងការផលិតធនធានមនុស្សឱ្យបានគ្រប់គ្រាន់
និងឆ្លើយតបទៅនឹងជំនាញដែលត្រូវការជាចាំបាច់នាពេលអនាគត។ ក្រសួងអប់រំ យុវជន
និងកីឡាបានយកចិត្តទុកដាក់ជាខ្លាំងក្នុងការជំរុញឱ្យគ្រឹះស្ថានសិក្សាកម្រិតឧត្តមសិក្សាអភិវឌ្ឍន៍ស្ថាប័នខ្លួន
តាមរយៈផ្តល់ឱកាសឱ្យមានការប្រកួតប្រជែងគ្នា និងភាពម្ចាស់ការក្នុងការរៀបចំកម្មវិធីសិក្សាដោយខ្លួនឯង(៥)។
ដោយសារគ្រឹះស្ថានឧត្តមសិក្សានីមួយៗត្រូវរៀបចំកម្មវិធីសិក្សាដោយខ្លួនឯងបែបនេះហើយ
ទើបខ្ញុំមានឱកាសចូលរួមជាមួយមហាវិទ្យាល័យមួយដែលគេអញ្ជើញឱ្យចូលរួមពិគ្រោះយោបល់ ក្នុងនាមជាសាស្ត្រាចារ្យបង្រៀនក្រៅម៉ោងលើឯកទេសអក្សរសាស្ត្រខ្មែរ
ហើយជាឱកាសដ៏ល្អមួយចង់ចែករំលែកទស្សនៈយោបល់របស់ខ្លួន ដើម្បីចូលរួមចំណែកកែលម្អកម្មវិធីសិក្សាអក្សរសាស្ត្រខ្មែរលើចំណុចមួយចំនួន
តែគួរឱ្យស្តាយឱកាសហាក់ចង្អៀតពេកសម្រាប់ខ្ញុំ មិនបានបញ្ចេញអ្វីឱ្យអស់ពីចិត្តដែលខ្លួនចង់បង្ហាញ
ទើបឆ្លៀតឱកាសនេះ សរសេរពីអ្វីដែលខ្លួននិយាយនៅពេលនោះ។
ការបកស្រាយបង្ហាញនៅពេលនេះ ផ្តោតតែលើឯកទេសអក្សរសាស្ត្រខ្មែរប៉ុណ្ណោះ
ហើយវាជាការសិក្សាសាកល្បងមួយ។ វាជាការពិតណាស់
ការរៀបចំកម្មវិធីសិក្សាឱ្យបានសមស្របទៅនឹងបរិបទ (Context) ក្នុងគោលបំណងផលិតធនធានមនុស្សដើម្បីជំរុញការអភិវឌ្ឍប្រទេស
ឆ្លើយតបទៅនឹងតម្រូវការទីផ្សារ និងផ្អែកលើធនធាន បទពិសោធដែលខ្លួនមាន
គឺជារឿងចាំបាច់បំផុតដែលគ្រប់គ្រឹះស្ថានឧត្តមសិក្សាត្រូវយកចិត្តទុកដាក់។
តាមរយៈការពិនិត្យជាទូទៅ យើងឃើញថា កម្មវិធីសិក្សាបានបែងចែកជា២ផ្នែកសំខាន់គឺ កម្មវិធីសិក្សាទូទៅ និងចាំបាច់។ ជាទស្សនៈផ្ទាល់ខ្លួន សម្រាប់កម្មវិធីសិក្សាទូទៅ
យើងអាចនិយាយបានថា វាហាក់នៅមិនទាន់សម័យ និងប្រៀបដូចស្ថិតនៅសតវត្សរ៍ទី២០នៅឡើយ
ដោយសារវាមិនមានដាក់បញ្ចូលនូវមេរៀនសំខាន់ៗនៅសតវត្សរ៍ទី២១ ដូចបណ្តាប្រទេសនានានៅលើពិភពលោកគេចាប់អារម្មណ៍នោះទេ។
កម្មវិធីសិក្សាទូទៅរបស់យើងមានដាក់បញ្ចូលតែមុខវិជ្ជាមួយចំនួនដូចជា៖ គណិតវិទ្យា
រដ្ឋបាលសាធារណៈ មូលដ្ឋានគ្រឹះនៃការអប់រំ គ្រឹះទស្សនវិជ្ជា ចិត្តវិទ្យា សេចក្តីផ្តើមនៃសង្គមវិទ្យា
ប្រវត្តិសាស្ត្រខ្មែរ...ដោយយើងមិនឃើញមុខវិជ្ជាទាន់សម័យមួយចំនួនត្រូវបានដាក់បញ្ចូលសោះដូចជា៖
ការគិតប្រកបដោយហេតុផល (Critical Thinking Skill) ព័ត៌មានសម្រាប់ការសិក្សាស្រាវជ្រាវ
(Information for research study) សាកលភាវូបនីយកម្ម និងមូលដ្ឋាននីយកម្ម (Globalization
and localization) សេដ្ឋកិច្ចសង្គម (Social Economy) ភាពជាអ្នកដឹកនាំ (Leadership)
វិទ្យាសាស្ត្រ និងបច្ចេកវិទ្យាសម្រាប់ការអភិវឌ្ឍ (Science and technology for
development) ភាពជាពលរដ្ឋសាកល (Global citizenship) ការថែរក្សាបរិស្ថាន (Environmental
Conservation) បរិយាប័ន្ន (inclusive) វប្បធម៌ខ្មែរ និងសីលធម៌ (Khmer culture and
Ethics) ការអភិវឌ្ឍប្រកបដោយចីរភាព(Sustainable
Development) ជំនាញកុំព្យូទ័រ និងបច្ចេកវិទ្យាព័ត៌មានវិទ្យា សម្រាបនិស្សិត (Computer
skill and information technology for student)…។ល។ គោលដៅរបស់យើង ចង់ផលិតធនធានមនុស្សសម្រាប់បម្រើដល់ការអភិវឌ្ឍសេដ្ឋកិច្ចជាតិនៅសតវត្សរ៍ទី២១
ដែលត្រូវការជាចាំបាច់នូវមុខវិជ្ជាសំខាន់ៗខាងលើនេះ ដែលចូលរួមចំណែកលើកកម្ពស់ការអភិវឌ្ឍប្រកបដោយចីរភាព
តែជាក់ស្តែងកម្មវិធីសិក្សាយើងហាក់នៅសតវត្សរ៍ទី២០នៅឡើយ។ តើដើម្បីឱ្យនិស្សិតទាំងនោះក្លាយជាធនធានមនុស្សមានសមត្ថភាពគ្រប់គ្រាន់ពេញលេញទាំងជំនាញរឹង និងទន់ ( Hard & Soft Skill) ជាអ្នកសិក្សាពេញមួយជីវិត
តើពួកគេគួរតែត្រូវបានបណ្តុះបណ្តាលនូវមុខវិជ្ជាអ្វីខ្លះ? ទោះបីជាយ៉ាងណាក៏ដោយ
យើងឃើញថា ការបណ្តុះបណ្តាលមុខវិជ្ជាទាំងនេះ នៅតែជួបប្រទះបញ្ហាប្រឈមនៅឡើយ
ទាំងនេះអាចមកពីនៅគ្រឹះស្ថានសិក្សាទាំងនោះ នៅខ្វះខាតធនធានសាស្ត្រាចារ្យដែលមានសមត្ថភាពលើជំនាញឯកទេសទាំងនេះនៅឡើយ។
ចំណែកឯ កម្មវិធីសិក្សាចាំបាច់ (Major Course) ហាក់មានលក្ខណៈស្មុគស្មាញច្រើន
និងធ្វើនិស្សិតមិនសូវចាប់អារម្មណ៍ខ្លាំងក្នុងការសិក្សារៀនសូត្រ។
និស្សិតរៀនមុខវិជ្ជាច្រើនពេក ដោយមិនប្រាកដប្រជាអ្វីមួយដែលជាមូលហេតុសំខាន់ធ្វើឱ្យពួកគាត់រៀនដើម្បីតែរៀន
ឬរៀនដើម្បីតែសញ្ញាប័ត្រប៉ុណ្ណោះ។ ពួកគាត់រៀនជាច្រើនក្រេឌីតនូវមុខវិជ្ជាដូចៗគ្នាដូចជា៖
ភាសាវិទ្យា វេយ្យាករណ៍ បាលី សំស្រ្កឹត អក្សរខ្មែរបុរាណ សិលាចារឹក អក្សរសិល្ប៍…ដែលធ្វើឱ្យនិស្សិតយល់ថា
រៀនហាក់ដដែលៗ និងស្មុគស្មាញ មិនគួរជាទីចាប់អារម្មណ៍ ព្រមទាំងមិនឆ្លើយតបទៅនឹងបរិបទសង្គម
តម្រូវការសិក្សា និងជីវភាពរស់នៅជាក់ស្តែង។ ជាមួយគ្នានេះ កម្មវិធីសិក្សាកម្រិតឧត្តមសិក្សាក៏មិនស៊ីគ្នានឹងកម្រិតមធ្យមសិក្សាផងដែរដោយវាមិនផ្តោតលើអភិវឌ្ឍន៍បន្ថែមលើបំណិនទាំង៤
(ស្តាប់ និយាយ អាន និងសរសេរ)។ ជាទូទៅ យើងមិនឃើញមានដាក់បញ្ចូលមុខវិជ្ជាសំខាន់ៗដែលជួយអភិវឌ្ឍន៍កាន់តែខ្លាំងក្លាថែមទៀតលើសមត្ថភាពទាំង៤ខាងលើនេះដូចជា៖
គោលការណ៍គ្រឹះនៃការសរសេរ ស្តាប់ និងនិយាយ ការសរសេរ និងអានសម្រាប់គោលបំណងពិសេសផ្សេងៗ
វិធីសាស្ត្រសា្រវជ្រាវភាសាខ្មែរ…ជាដើម។ ដូចគ្នានេះដែរ ការសិក្សាអក្សរសាស្ត្ររបស់ប្រទេសមួយចំនួនតួយ៉ាងដូចប្រទេសថៃឡង់ជាដើម
គេដាក់បញ្ចូលមុខវិជ្ជាដែលមានលក្ខណៈស្មុគស្មាញ និងមិនប្រើប្រាស់ចាំបាច់ក្នុងជីវភាពរស់នៅជាក់ស្តែងនៅក្នុងមុខវិជ្ជាជម្រើស
ដូចជា៖ អក្សរបុរាណ បាលីសំស្រឹ្កត សិលាចារឹក…ពោលគឺសម្រាប់តែនិស្សិតជ្រើសរើសជំនាញឯកទេសលើមុខវិជ្ជាទាំងនេះតែប៉ុណ្ណោះ។
មួយវិញទៀត កត្តាដែលចូលរួមចំណែកធ្វើឱ្យនិស្សិតមិនសូវចាប់អារម្មណ៍សិក្សារៀនសូត្រថ្នាក់មហាវិទ្យាល័យ
គឺដោយសារចំណេះដឹងទាំងនោះមិនបានយកមកប្រើប្រាស់ក្នុងការប្រឡងប្រជែងការងារនានាឡើយ
ដូចប្រឡងជ្រើសរើសគ្រូបង្រៀនជាដើម។ មួយវិញទៀត កម្មវិធីសិក្សារបស់យើងនេះ ជំរុញឱ្យនិស្សិតសូត្រតាម
ថាតាម និងរៀនសូត្រតែពីក្បូនខ្នាតដែលមានស្រាប់ ដែលតម្រូវឱ្យអនុវត្តតាម
ដោយមិនមានគតិបណ្ឌិតថ្មី ទស្សនវិជ្ជាថ្មី ឬសមត្ថភាពនៃការច្នៃបង្កើតថ្មីនោះទេ។
ពួកគេត្រូវបានបង្រៀនឱ្យទទួលយក ឬអភិរក្សនិយម ដែលមិនបង្កលក្ខណៈឱ្យនិស្សិតក្លាហានហ៊ានបង្កើតថ្មី
ដើម្បីភាពរីកចម្រើនឡើយ។ ជាក់ស្តែងគ្រាន់តែ ខ្ញុំបញ្ចេញទស្សនៈយល់ឃើញថ្មីទាក់ទងនឹងអក្សរសាស្ត្រខ្មែរតែបន្តិចសោះ
ត្រូវបានសង្គមបញ្ញាវ័ន្តដែលស្រឡាញ់អក្សរសាស្ត្ររិះគន់ និងវាយប្រហារយ៉ាងខ្លាំង។
ដូច្នេះបន្ទាប់ពីបញ្ចប់ការសិក្សាថ្នាក់បរិញ្ញាបត្រអក្សរសាស្ត្រខ្មែរពីសាកលវិទ្យាល័យភូមិន្ទភ្នំពេញទៅ
ចំណេះដឹងខ្ញុំត្រូវបានទុកចោលតែម្តង ព្រោះអ្វីៗដូនតាមានគ្រប់អស់ហើយ៕
x
Tuesday, June 11, 2019
ការដណ្តើមទីផ្សារការងារសម្រាប់វិស័យអប់រំផ្នែកឯកជន
ស្ថិតក្នុងបរិបទនៃការអភិវឌ្ឍសេដ្ឋកិច្ចជាតិមានមូលដ្ឋានផ្អែកលើចំណេះដឹង
ការអប់រំដើរតួនាទីយ៉ាងសំខាន់ក្នុងការបណ្តុះបណ្តាលធនធានមនុស្សដើម្បីបំពេញតម្រូវការទីផ្សារការងារ
និងសង្គម។ ប្រទេសមួយចំនួនបានប្រើប្រាស់យុទ្ធសាស្ត្រវិនិយោគលើធនធានមនុស្សដើម្បីទទួលបានផលចំណេញផ្នែកសេដ្ឋកិច្ច
តាមរយៈការស្រូបទាញប្រាក់ចំណូលពីការងារទាំងក្នុង និងក្រៅប្រទេស។ សហគមន៍សេដ្ឋកិច្ចអាស៊ាន
ជានិន្នាការថ្មី ផ្តល់ឱកាសដល់ប្រទេសជាសមាជិក ធ្វើលំហូរកម្លាំងពលករជំនាញដោយសេរី
ដែលធ្វើឱ្យការប្រកួតប្រជែងធនធានមនុស្សកាន់តែខ្លាំងក្លាថែមទៀត។ នេះមានន័យថាពលករជំនាញអាចចូលទៅធ្វើការនៅតាមប្រទេសជាសមាជិកនានាដែលកំពុងខ្វះខាតជំនាញទាំងនោះ
ហើយប្រទេសណាដែលមានលំហូរចេញច្រើន ប្រទេសនោះទទួលបានផលចំណេញពីសមារណកម្មនេះកាន់តែច្រើន។
ដោយសារ ភាសាអង់គ្លេសត្រូវបានកំណត់ជាភាសាផ្លូវការរបស់អាស៊ាន និងអត្ថប្រយោជន៍សម្រាប់ទំនាក់ទំនងលក្ខណៈអន្តរជាតិ ព្រមទាំងការធ្វើពាណិជ្ជកម្មទាំងក្នុងតំបន់ និងសាកល ធ្វើឱ្យការសិក្សាភាសាអង់គ្លេសមានប្រជាប្រិយភាពខ្លាំងក្នុងទីផ្សារអប់រំ
ពិសេសវិស័យអប់រំសាលារៀនឯកជនតួយ៉ាងដូចប្រទេសកម្ពុជាជាដើម។ បើយើងសាកល្បងសម្លឹងមើលនិន្នាការអប់រំនាពេលបច្ចុប្បន្ន
និងតទៅអនាគត យើងឃើញថាប្រទេសដែលប្រើប្រាស់ភាសាអង់គ្លេសជាភាសាផ្លូវការសម្រាប់ការសិក្សាទាំងកម្មវិធីសិក្សារដ្ឋ
និងឯកជន ហាក់ទទួលបានផលចំណេញច្រើនផ្នែកសេដ្ឋកិច្ច ច្រើនជាងគេ ដូចប្រទេសសឹង្ហបូរី
និងហ្វីលីពីនជាដើម។
ប្រទេសកម្ពុជាបាននឹងកំពុងយកចិត្តទុកជាខ្លាំងក្នុងការធ្វើកំណែទម្រង់
និងអភិវឌ្ឍន៍វិស័យអប់រំ ដើម្បីសម្រេចគោលដៅរបស់ខ្លួនក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០
និងជាប្រទេសអភិវឌ្ឍន៍នៅឆ្នាំ២០៥០។ ក្រសួងអប់រំ យុវជន និងកីឡាបានយកចិត្តទុកដាក់បន្ថែមទៀតលើការសិក្សាភាសាអង់គ្លេសដោយដាក់បញ្ចូលភាសានេះ
ក្នុងកម្មវិធីសិក្សានៅកម្រិតបឋមសិក្សានៅឆ្នាំ២០១៧។ ជាមួយគ្នានេះ ការអប់រំដោយប្រើប្រាស់ពីរភាសាកាន់តែមានប្រជាប្រិយភាពសម្រាប់មាតាបិតាសិស្ស
និងសង្គមដែលជំរុញឱ្យសាលារៀនឯកជនដែលអនុវត្តការបង្រៀនពីរភាសានេះមានការកើនឡើង
និងរីកចម្រើនជាលំដាប់។ ទន្ទឹមនឹងការកើនឡើងនូវតម្រូវការទីផ្សារអប់រំ តម្រូវការគ្រូបង្រៀនសម្រាប់បង្រៀនមុខវិជ្ជាផ្សេងៗជាភាសាអង់គ្លេសដូចជា៖មុខវិជ្ជាវិទ្យាសាស្ត្រ
គណិតវិទ្យា ភាសាអង់គ្លេស...ក៏មានការកើនឡើងផងដែរ។ មកដល់ពេលនេះ យើងឃើញមានហានិភ័យកាន់តែខ្លាំងឡើងសម្រាប់គ្រូបង្រៀនជនជាតិខ្មែរ
ដែលបញ្ចប់ការសិក្សាមុខវិជ្ជាភាសាអង់គ្លេស ឬឯកទេសផ្សេងៗ ដោយសារឱកាសការងារកាន់តែចង្អៀតទៅៗនៅតាមសាលារៀនឯកជននានា។
នេះគឺដោយសារគ្រូបង្រៀនមកពីប្រទេសជាសមាជិកអាស៊ានដែលប្រើប្រាស់ភាសាអង់គ្លេសជាយាន
ពិសេសហ្វីលីពីនចូលមកប្រកួតប្រជែងការងារ និងទទួលយកប្រាក់ខែប្រហាក់ប្រហែលនឹងគ្រូបង្រៀនជនជាតិខ្មែរដែរ
ហើយដើម្បីអត្ថប្រយោជន៍ទីផ្សារ ប្រាកដណាស់សាលារៀនឯកជនទាំងនោះនឹងទទួលយកគ្រូបង្រៀនដែលជាជនបរទេស
ប្រសើរជាងជនជាតិខ្លួនឯង។ ស្ថិតក្នុងបរិបទនៃកំណើនសេដ្ឋកិច្ចជាតិ កំណើនប្រាក់ចំណូលមធ្យមសម្រាប់មនុស្សម្នាក់
និន្នាការគ្រួសារតូច (គ្រួសារមានកូនតិច) ការវិនិយោគលើការអប់រំកូនកាន់តែច្រើនទៅៗនាពេលអនាគត
ហើយទីផ្សារអប់រំឯកជនកាន់តែទូលំទូលាយ ជាមួយនឹងឱកាសការងារកាន់តែច្រើនសម្រាប់គ្រូបង្រៀនជាជនបរទេសដែលប្រើប្រាស់អង់គ្លេសជាយាន។ ជាមួយគ្នានេះ វាក៏ធ្វើឱ្យសាច់ប្រាក់ជាច្រើនហូរចេញពីប្រទេសផងដែរ។ ទោះបីជាណាក៏ដោយ ការពង្រឹងការអប់រំនៅតាមគ្រឹះស្ថានសិក្សាសាធារណៈចូលរួមចំណែកដោះស្រាយបញ្ហាប្រឈមទាំងនេះបានមួយចំនួន៕
សាកល្បងវិភាគដោយ៖ ចៅ ឧស្សាហ៍
Wednesday, November 21, 2018
សៀវភៅរៀនអង់គ្លេសល្បីៗ
នេះជាបណ្តុះសៀវភៅរៀនអង់គ្លេសល្បីៗ ។ សិស្ស-និស្សិតអាចដោនឡូតតាមលីងខាងក្រោម៖
https://drive.google.com/open?id=1yopv6dgjzZp5s3cidjWogebTmJ2R0Mxh
https://drive.google.com/open?id=1yopv6dgjzZp5s3cidjWogebTmJ2R0Mxh
Monday, November 12, 2018
ឯកសារជំនួយស្មារតីត្រៀមប្រឡងបរិញ្ញាបត្រជាន់ខ្ពស់ និងអធិការអប់រំ (ភាគ២)
ឯកសារជំនួយស្មារតីត្រៀមប្រឡងបរិញ្ញាបត្រជាន់ខ្ពស់ និងអធិការអប់រំ ភាគ២។ ឯកសារនេះ បានមកពីការប្រមូលផ្តុំឯកសារខ្មែរ និងបរទេស ដោយធ្វើការបកប្រែ និងសម្រួលខ្លឹមសារដើម្បីឱ្យអ្នកអាន អ្នកសិក្សាងាយស្រួលយល់។ ឯកសារនេះ សិក្សាពីប្រវត្តិអប់រំនៅកម្ពុជា ស្ថានភាព ដំណើរវិវត្ត និងកំណែទម្រង់ គោលនយោបាយ ផែនការយុទ្ធសាស្ត្រ....។អាចដោនឡូតតាមលីងខាងក្រោម👇
https://drive.google.com/open?id=1yHLimdvIbsvEn4t28fzG6kzO_F3es2xh
Wednesday, October 3, 2018
ការសិក្សាពីប្រព័ន្ធអប់រំប្រទេសរីកចម្រើននានាលើពិភពលោក
➤សូមដោនឡូនតាមលីងខាងក្រោម
https://drive.google.com/open?id=19zDlJxll5AZ1S0R_s1jx49OB2XNO_thX
ឯកសារត្រៀមប្រឡងបរិញ្ញាបត្រជាន់ខ្ពស់ អធិការអប់រំ និងបេក្ខជននាយក
នេះជាឯកសារជំនួយស្មារតីសម្រាប់ត្រៀមប្រឡងបេក្ខជននាយកសាលា បរិញ្ញាបត្រជាន់ខ្ពស់ និងអធិការអប់រំ។ វាត្រូវបានសរសេរខ្លីៗ ច្បិចយកតែចំណុចសំខាន់ៗ សម្រាប់លោកគ្រូ-អ្នកគ្រូ និងបុគ្គលិកអប់រំទាំងអស់ដែលមានបំណងប្រាថ្នាចង់បន្តការសិក្សាជាន់ខ្ពស់។ ត្រូវចងចាំថា សម្រាប់ការប្រឡងនៅកម្រិតនេះ ជាកម្រិតគោលនយោបាយ ផែនការយុទ្ធសាស្ត្រ សមត្ថភាពក្នុងការវិភាគ... នៅក្នុងកម្រិតសំណួរបែបពិចារណាម៉ត់ចត់ ដែលទាមទារឱ្យបេក្ខជនត្រូវមានចំណេះដឹងមូលដ្ឋានរឹងមាំ។
👉➤សូមដោនឡូនតាមលីងខាងក្រោម៖ https://drive.google.com/open?id=1LWmM778leGJkVRNLoM43n4r8LMcUdGnf
Sunday, July 15, 2018
ប្រព័ន្ធអប់រំប្រទេសកម្ពុជា
ប្រព័ន្ធអប់រំប្រទេសកម្ពុជា ដំណើរវិវត្តិ បញ្ហាប្រឈម និងកំណែទម្រង់តាំងពីអតីតកាល ដល់បច្ចុប្បន្ន និងទិសដៅអនាគត👉Download តាមលីង(Link)ខាងក្រោម៖https://drive.google.com/open?id=1r9rIwML8vjm-c6LjfRq00QgWPNbzD43O
ប្រព័ន្ធអប់រំប្រទេសសឹង្ហបូរី (Education in Singapore)
ចំណុចពិសេសស្តីពីប្រព័ន្ធអប់រំប្រទេសសឹង្ហបូរី
អ្វីដែលកម្ពុជាគួររៀនសូត្រពីប្រព័ន្ធអប់រំសឹង្ហបូរី
👉អ្នកអាចដោនឡូន Download តាម Link ខាងក្រោម៖
https://drive.google.com/open?id=17jiHCwYvkWbvJgW6O83uVTARc3k8yNlM
អ្វីដែលកម្ពុជាគួររៀនសូត្រពីប្រព័ន្ធអប់រំសឹង្ហបូរី
👉អ្នកអាចដោនឡូន Download តាម Link ខាងក្រោម៖ប្រព័ន្ធអប់រំប្រទេសជប៉ុន
អ្វីដែលយើងអាចរៀនសូត្រពីប្រព័ន្ធអប់រំប្រទេសជប៉ុន!
ប្រទេសជប៉ុនជាប្រទេសដែលជោគជ័យលើវិស័យអប់រំ។
https://drive.google.com/open?id=1fgLJx0CkZMDmU5FGBiKB7sntoUr6qYfe
ប្រទេសជប៉ុនជាប្រទេសដែលជោគជ័យលើវិស័យអប់រំ។👉សូមដោឡូន ( Download) ពីលីង (Link) ខាងក្រោម៖
https://drive.google.com/open?id=1fgLJx0CkZMDmU5FGBiKB7sntoUr6qYfe
ប្រព័ន្ធអប់រំកោះតៃវ៉ាន់
ប្រព័ន្ធអប់រំ កោះតៃវ៉ាន់ (Education in Taiwan)
តៃវ៉ាន់មានលទ្ធផលតេស្ត PISA ខ្ពស់ និងវិស័យអប់រំមានលក្ខណៈជោគជ័យច្រើនដែលកម្ពុជាគួររៀនសូត្រ។👉សូម Download តាមLink ខាងក្រោម៖
https://drive.google.com/open?id=12cCkQtHeZuLFaU8Gy5sZqjeCWui2p3FW
វិស័យអប់រំប្រទេសវៀតណាម សម្រេចជោគជ័យខ្ពស់
ភាគជោគជ័យនៃវិស័យអប់រំប្រទេសវៀតណាម
ក្នុងនាមជាប្រទេសកំពុងអភិវឌ្ឍន៍ វិស័យអប់រំវៀតណាមជោគជ័យខ្លាំងជាងប្រទេសដែលមានចំណូលខ្ពស់មួយចំនួនទៅទៀត។ សូមDownload តាមLink ខាងក្រោម៖
https://drive.google.com/open?id=1nfJybliggkMKmMogH_WzGqOQT6hKJQYM
ក្នុងនាមជាប្រទេសកំពុងអភិវឌ្ឍន៍ វិស័យអប់រំវៀតណាមជោគជ័យខ្លាំងជាងប្រទេសដែលមានចំណូលខ្ពស់មួយចំនួនទៅទៀត។ សូមDownload តាមLink ខាងក្រោម៖https://drive.google.com/open?id=1nfJybliggkMKmMogH_WzGqOQT6hKJQYM
ប្រព័ន្ធអប់រំក្រុងសៀងហៃ
ប្រព័ន្ធអប់រំក្រុងសៀងហៃ (Education in Sheing Hai City)
ចំណុចពិសេស និងមេរៀនរៀនសូត្រវិស័យអប់រំដែលកម្ពុជាគួររៀនពីក្រុងសៀងហៃក្រុងនេះ មានលទ្ធផលតេស្ត PISA ខ្ពស់។
សូម Download តាម Linkខាងក្រោម៖
https://drive.google.com/open?id=1yiIFCNrZRY5KC35K7nsljZxy6d93qTN6
Saturday, July 14, 2018
ប្រព័ន្ធអប់រំប្រទេសកូរ៉េ
ប្រព័ន្ធអប់រំប្រទេសកូរ៉េ (Education System in Korea)
ការសិក្សាប្រៀបធៀបផ្នែកអប់រំ
ចំណុចរៀនសូត្រសម្រាប់ប្រទេសកម្ពុជា
អាចឡោនដូន (Download) ជាមួយ Link ខាងក្រោម៖
https://drive.google.com/open?id=1yiIFCNrZRY5KC35K7nsljZxy6d93qTN6
ចំណុចរៀនសូត្រសម្រាប់ប្រទេសកម្ពុជា
អាចឡោនដូន (Download) ជាមួយ Link ខាងក្រោម៖
https://drive.google.com/open?id=1yiIFCNrZRY5KC35K7nsljZxy6d93qTN6
Sunday, September 24, 2017
ការរៀបចំផែនការអភិវឌ្ឍសាលារៀន
1.
រដ្ឋបាលសាលារៀនៈ ការប្រែក្លាយឱ្យទៅជាជាក់ស្តែងនូវវត្ថុបំណង គោលនយោបាយអប់រំជាតិ ការទទួលសិស្សថ្មីឱ្យចូលរៀន ការលើកផែនការសកម្មភាពធម្មតារបស់សាលារៀន ការរៀបចំគម្រោងកែលម្អសាលារៀន ការប្រមូលទិន្នន័យ ការសរសេររបាយការណ៍។ល។
2.
សម្ភាររូបវ័ន្តសាលារៀនៈ ការរៀបចំថ្នាក់រៀន ការជុសជុលតូចតាច ការទទួល និងបែងចែកសៀវភៅសិក្សា ការរៀបចំសម្ភារឧបទេស សម្ភារៈបង្រៀន និងបណ្ណាល័យ ការរៀបចំឱ្យមានប្រភពទឹកស្អាត និងអនាម័យការរៀបចំទីលានកីឡា កិច្ចការពារបរិស្ថានសាលារៀន។ល។
3.
ការសិក្សារបស់សិស្សៈ ការរៀបចំផែនការបែងចែក និងអនុវត្តកម្មវិធីសិក្សា ប្រចាំ ឆមាស ប្រចាំខែ ការរៀបចំប្រជុំក្រុមបច្ចេកទេស ការអភិវឌ្ឍវត្ថុបំណងជាក់លាក់ និងការធ្វើកិច្ចតែងការបង្រៀន សកម្មភាពអភិវឌ្ឍសមត្ថភាពសិស្ស ការតាមដានការរីកចម្រើនរបស់សិស្ស ការវាយតម្លៃ ។ល។
4.
សកម្មភាពសិស្សៈ គម្រោង និងសកម្មភាពរបស់សិស្សម្នាក់ៗ ការប្រកួតកីឡាសិស្ស សកម្មភាពសិល្បៈ ហត្ថកម្ម ថែទាំសួនច្បារសាលារៀន ការធ្វើដំណើរកំសាន្ត និងទស្សនកិច្ចសិក្សា សុខភាព និងអនាម័យសិក្សា ការចូលរួមការពារបរិស្ថាន ។ល។
5.
ការទ្រទ្រង់សាលារៀនៈ ជាការងារដែលទាក់ទងនឹងយុទ្ធនាការប្រមូលសិស្សឱ្យចូលរៀនដោយសហការជាមួយគណៈកម្មការទ្រទ្រង់សាលារៀន ឬសមាគមន៍មាតាបិតាសិស្ស ការរៀបចំចាត់ចែងពិធីកំសាន្តសប្បាយផ្សេងៗរបស់សាលារៀន ការគ្រប់គ្រងថវិកាសាលារៀន ការចុះបញ្ជីគណនេយ្យ។ល។
ផែនការអភិវឌ្ឍសាលារៀន ជាគម្រោងដែលខុសពីការងារធម្មតាពីព្រោះការងារធម្មតាអនុវត្តស្រដៀងៗគ្នាជារៀងរាល់ថ្ងៃដោយគ្រាន់តែផ្លាស់ប្តូរបន្តិចបន្តួចប៉ុណ្ណោះ ចំណែកឯគម្រោងវិញគឺត្រូវសម្រេចលទ្ធផលជាក់ស្តែងដែលអាចមើលឃើញ ឬផ្ទៀងផ្ទាត់បាន។ លទ្ធផលរបស់គម្រោងអាចឱ្យយើងយកទៅប្រើប្រាស់បាន នៅក្នុងរយៈពេលមួយកំណត់គឺក្នុងករណីនេះហើយដែលគម្រោងមិនអាចធ្វើឡើងដដែលៗនោះទេ។ មានន័យថា ក្រោយពី អនុវត្តគម្រោងមួយចប់ហើយ យើងត្រូវតែរៀបចំ និងដំណើរការគម្រោងមួយថ្មីផ្សេងទៀត។ ការអនុវត្តនានានៅក្នុងគម្រោងចាស់ នឹងផ្តល់នូវបទពិសោធន៍នានាសម្រាប់គម្រោងថ្មី ។ ឧទាហរណ៍ គម្រោងលើកកម្ពស់សមត្ថភាពគ្រូបង្រៀន ការកសាងអគារសិក្សា កែលម្អទិដ្ឋភាពសាលារៀនដើម្បីឱ្យបរិស្ថានល្អ មានទីលានកីឡា ទឹកស្អាត និងសួនច្បារ ការកែលម្អវិធីសាស្ត្រ និងសម្ភារឧបទេសបង្រៀនមុខវិជ្ជាវិទ្យាសាស្ត្រ លើកកម្ពស់លទ្ធផលសិក្សាសិស្សដើម្បីឱ្យមានការកើនឡើងនូវចំនួនសិស្សទទួលនិទ្ទេសល្អពេលប្រឡងសញ្ញាប័ត្រមធ្យមសិក្សាទុតិយភូមិ...។ល។ សូមបញ្ជក់ថាឧទាហរណ៍គម្រោងលើកកម្ពស់សមត្ថភាពគ្រូបង្រៀន អាចធ្វើឱ្យយើងមានការច្រឡំថាវាជាការងារដែលធ្វើដដែលៗព្រោះវាមាននៅក្នុងការប្រជុំបច្ចេកទេស ដែលបានរៀបចំនៅក្នុងផែនការការងារប្រចាំឆ្នាំដែរ។ គម្រោងលើកកម្ពស់សមត្ថភាពគ្រូបង្រៀននេះ មានលក្ខណៈច្បាស់លាស់ជាងហើយការប្រជុំបច្ចេកទេសអាចជាផ្នែកមួយនៃការលើកកម្ពស់សមត្ថភាពប៉ុណ្ណោះ។ ជាឧទាហរណ៍គម្រោងលើកកម្ពស់សមត្ថភាពគ្រូបង្រៀននេះ អាចជាការលើកគម្រោងស្នើសុំកញ្ចប់ថវិកាដើម្បីឱ្យគ្រូទទួលបានវគ្គបណ្តុះបណ្តាលជំនាញអ្វីមួយជាក់លាក់ ស្ថិតក្នុងពេលមួយកំណត់ដែលចាំបាច់សម្រាប់អភិវឌ្ឍន៍សមត្ថភាព និងដើម្បីធ្វើឱ្យប្រសើរឡើងនូវលទ្ធផលសិក្សារបស់សិស្ស ឬអាចជាគម្រោងស្វែងរកមូលនិធិនានាគាំទ្រដល់ការបន្តការសិក្សារបស់គ្រូបង្រៀន។គម្រោងនេះ មិនមែនធ្វើដដែលៗនោះទេ នៅពេលសមត្ថភាពគ្រូបង្រៀនមានការរីកចម្រើនហើយ យើងអាចលើកគម្រោងផ្សេងទៀតដើម្បី ឆ្លើយតបទៅនឹងតម្រូវការចាំបាច់ដើម្បីលើកឧត្តមភាព និងកិត្យានុភាពសាលារៀនដូចជាគម្រោងលើកកម្ពស់លទ្ធផលសិក្សាសិស្សដើម្បីឱ្យបានជាប់និទ្ទេសAឱ្យបានច្រើនជាដើម។ ចំណុចសំខាន់ដែលយើងត្រូវចាំនោះគឺ គម្រោងត្រូវរៀបចំ និងអនុវត្តដើម្បីឱ្យមានការផ្លាស់ប្តូររីកចម្រើន។ ចុងបញ្ចប់នៃការអនុវត្តគម្រោងគឺគេចង់ឃើញការផ្លាស់ប្តូរ។ថ្នាក់ដឹកនាំសាលារៀនដែលល្អ គឺជាអ្នកដែលមានសមត្ថភាពគ្រប់គ្រាន់ និងមានការយល់ដឹងទូលំទូលាយពីការរៀបចំផែនការអភិវឌ្ឍសាលារៀន ព្រោះវាទាមទារសមត្ថភាពយល់ដឹងខ្ពស់ និងជំនាញជាក់លាក់ តួយ៉ាងដូចសមត្ថភាពក្នុងការរៀបចំតារាងអភិក្រមក្របខណ្ឌសមហេតុផល(Logical
framework) ជាដើម ដែលទាមទារឱ្យមានការបណ្តុះបណ្តាលច្បាស់លាស់ និងសិក្សារៀនសូត្រ ដកស្រង់បទពិសោធនៃការអនុវត្តការងារផ្ទាល់ខ្លួនជាប្រចាំ។
ការរៀបចំផែនការអភវិឌ្ឍសាលារៀនមានសារៈសំខាន់ណាស់ព្រោះវាធ្វើឱ្យប្រសើរឡើងនូវស្ថានភាពសាលារៀននាពេលអនាគត។ទំ១៥៣
ទោះយ៉ាងណាយើងឃើញជួបប្រទះបញ្ហាប្រឈមជាច្រើនក្នុងដំណើរការរៀបចំ និងអនុវត្តផែនការអភិវឌ្ឍសាលារៀននេះ មានដូចជា៖
·
ការរៀបចំផែនការអភិវឌ្ឍសាលារៀន ទាមទារអ្នកដែលចំណេះដឹងខ្ពស់ ទូលំទូលាយ និងជំនាញច្បាស់លាស់ក្នុងការរៀបចំ។ ជាទូទៅយើងឃើញថាការរៀបចំ និងសរសេរគម្រោងផែនការអភិវឌ្ឍសាលារៀននេះ មានលក្ខណៈស្មុគស្មាញខ្លាំង ដែលបុគ្គលធម្មតាមិនអាចរៀបចំបានល្អឡើយ វាទាមទារការបណ្តុះបណ្តាលជំនាញច្បាស់លាស់ និងការសិក្សារៀនសូត្រជាប្រចាំពីបទពិសោធនៃការអនុវត្តការងាររបស់ខ្លួន ពិសេសការវិភាគបញ្ហា និងការរៀបចំតារាងអភិក្រមក្របខណ្ឌសមហេតុផលជាដើម។ ឧបសគ្គនៃសមត្ថភាពក្នុងការរៀបចំនេះ ធ្វើឱ្យការលើកគម្រោងមានលក្ខណៈដដែលៗ មិនមានគំនិតច្នៃប្រឌិតថ្មីដើម្បីឱ្យមានការផ្លាស់ប្តូរ ឬលើកគម្រោងមិនមានលក្ខណៈសមស្រប និងមិនឆ្លើយតបទៅនឹងតម្រូវការចាំបាច់របស់ស្ថាប័ន...។ល។
·
អ្នកលើកគម្រោងភាគច្រើនទាំងកម្រិតថ្នាក់ជាតិ រហូតដល់កម្រិតសាលារៀនហាក់មិនបានបង្ហាញច្បាស់លាស់ពីពាក្យថា ”ផ្លាស់ប្តូរ”នៅក្នុងគម្រោងកម្រិតសមិទ្ធិផល(Outcome)ហើយភាគច្រើនធ្វើការបកស្រាយបានតែនៅក្នុងកម្រិតលទ្ធផល(Output) ដែលពិបាកមើលឃើញពីការផ្លាស់ប្តូរ តួយ៉ាងដូចបទបង្ហាញរបាយការណ៍សន្និបាទអប់រំថ្នាក់ជាតិជាដើម។ដើម្បីឱ្យបានច្បាស់លាស់ យើងសូមលើកឧទាហរណ៍មកបញ្ជក់ដូចតទៅ៖ មានគម្រោងផ្តល់វគ្គបំប៉ននាយក ដល់គ្រូបង្រៀនចំនួន៥០០នាក់ ប៉ុន្តែយើងមិនអាចវាស់វែងបានថា តើបន្ទាប់ពីទទួលបានការបណ្តុះបណ្តាល ពួកគាត់មានការផ្លាស់ប្តូរអ្វីខ្លះឱ្យបានជាក់លាក់? នេះអាចឆ្លុះបញ្ចាំងបានថា ការរៀបចំ និងអនុវត្តគម្រោងនៅមានកម្រិត។
·
ការយល់ដឹងពីនីតិវិធីក្នុងរៀបចំផែនការអភិវឌ្ឍសាលារៀននៅមានកម្រិត ព្រោះការចូលរួមរបស់អ្នកពាក់ព័ន្ធក្នុងដំណើរការរៀបចំនៅមានចំនួនតិចតួចនៅឡើយ។ភាគច្រើន គម្រោងត្រូវបានរៀបចំដោយគណៈគ្រប់គ្រងសាលា និងមានការចូលរួមមួយចំនួនពីគ្រូបង្រៀន។ ជាទូទៅយើងឃើញមានការចូលរួមតិចតួចណាស់ពីគណៈកម្មការទ្រទ្រង់សាលា មាតាបិតា ឬអ្នកអាណាព្យាបាល និងតំណាងសិស្សានុស្ស។ កង្វះការចូលរួមពីគ្រប់ភាគីពាក់ព័ន្ធ អាចធ្វើឱ្យកង្វះព័ត៌មានគ្រប់ជ្រុងជ្រោយ និងតម្លាភាពក្នុងការរៀបចំគម្រោង ហើយវាអាចមិនឆ្លើយតបទៅនឹងបញ្ហាប្រឈម និងតម្រូវការជាក់ស្តែង ឬចាំបាច់របស់សាលារៀន និងសហគមន៍។
·
ការរៀបចំផែនការសកម្មភាព និងថវិកាគប្បីអនុវត្តតាមបែបគ្រប់គ្រងដោយផ្អែកមូលដ្ឋានលើសាលារៀន (school
based management) ដើម្បីឱ្យសាលារៀននីមួយៗមានភាពម្ចាស់ការ ការទទួលខុសត្រូវក្នុងការធ្វើសេចក្តីសម្រេចចិត្ត ផ្អែកតាមតម្រូវការជាក់ស្តែង និងបញ្ហាប្រឈមដោយឡែកៗរបស់សាលារៀននីមួយៗ។ក្នុងន័យនេះ គេមិនគួរកំណត់ជាមុនទាំងស្រុងនូវកូដសកម្មភាព ឬលេខគណនីទេ ព្រោះវាធ្វើឱ្យរាំងស្ទះដល់គំនិតច្នៃប្រឌិតរបស់ថ្នាក់ក្រោមជាតិក្នុងការដោះស្រាយបញ្ហាជាក់ស្តែងរបស់គេ។ ឧទាហរណ៍
ជាទស្សនទាន តើយើងត្រូវរៀបចំផែនការអភិវឌ្ឍសាលារៀនយ៉ាងដូចម្តេច?
បច្ចេកទេសរៀបចំផែនការត្រូវបើកចំហឱ្យមានការចូលរួមបានទូលំទូលាយពីអ្នកពាក់ព័ន្ធដូចជា៖ គណៈកម្មការអភិវឌ្ឍសាលារៀន គណៈគ្រប់គ្រងសាលារៀន គ្រូបង្រៀន មាតាបិតាឬអ្នកអាណាព្យាបាលសិស្ស និងតំណាងសិស្សានុសិស្ស។ សិ្ថតក្នុងបរិបទនៃការអប់រំប្រកបដោយគុណភាព និងបរិយាប័ន្ន ការចូលរួមពីសំណាក់អ្នកពាក់ព័ន្ធគ្រប់ភាគីមានសារៈសំខាន់ណាស់ព្រោះវាបានលើកយកបញ្ហាគ្រប់ជ្រុងជ្រោយពីអ្នកទាំងនោះ ធ្វើឱ្យផែនការត្រូវបានរៀបចំ ឆ្លើយតបត្រឹមត្រូវទៅនឹងតម្រូវការជាក់ស្តែងរបស់ពួកគេ។ វាជាចំណុចចូលរួមដ៏សំខាន់ ប្រកបដោយអត្ថន័យនៃការអប់រំបែបបរិយាប័ន្ន ដោយគ្មាននរណាម្នាក់ត្រូវបានទុកចោលទេ រួមទាំងជនងាយរងគ្រោះ។ សមិទ្ធិផលផែនការអភិវឌ្ឍសាលារៀនដែលមានការចូលរួមនេះ នាំទៅរកការអភិវឌ្ឍប្រកបដោយចីរភាព និងគ្មានការរើសអើងដូចជា៖ជាតិ សាសន៍ សាសនា ភេទ ពណ៌សម្បុរ ជនជាតិភាគតិច វណ្ណៈ និន្នាការនយោបាយ ពិការភាព...ជាដើម។ឧទាហរណ៍ បើលើកគម្រោងសាងសង់បង្គន់នៅតាមសាលារៀន គេនឹងសាងសង់បង្គន់ដែលបង្កភាព ងាយស្រួលដល់កុមារី ឬជនពិការជាដើម។ ជាទូទៅយើងឃើញថា ការលើកផែនការអភិវឌ្ឍសាលារៀន ជាច្រើន ដើម្បីបម្រើផលប្រយោជន៍ដល់កុមារ តែមិនដែលសួរកុមារថា តើគេចង់បានអ្វី?ចង់យ៉ាងម៉េចទេ? ថ្នាក់ដឹកនាំសាលារៀន ជាអ្នកសម្រេចចិត្តជួសទាំងអស់។
ផែនការអភិវឌ្ឍសាលារៀនគប្បីរៀបចំតាមនីតិវិធីមួយច្បាស់លាស់ ប្រកបដោយតម្លាភាព។ជំហានដំបូងត្រូវមានការប្រជុំរៀបចំធ្វើផែនការ (ToR) ដោយមានដាក់បញ្ចូលនូវ គោលបំណង នីតិវិធីនៃដំណើរការរៀបចំធ្វើផែនការអភិវឌ្ឍសាលារៀន ពេលវេលាអនុវត្ត អ្នកទទួលខុសត្រូវ...ជាដើម។បន្ទាប់មកប្រជុំបង្កើតក្រុមរៀបចំផែនការអភិវឌ្ឍសាលារៀន ប្រជុំប្រឹក្សាយោបល់ ការប្រមូលព័ត៌មាន បញ្ហាប្រឈម និងតម្រូវការ ការវិភាគបញ្ហា និងការកំណត់អាទិភាពបញ្ហា បន្ទាប់មករួមគ្នាស្វែងរកដំណោះស្រាយ និងផែនការយុទ្ធសាស្ត្រដោយផ្អែកលើធនធានដែលបានកំណត់។ នៅក្នុងដំណោះស្រាយ គេត្រូវធ្វើការរួមគ្នាផងដែរពីការរៀបចំយុទ្ធសាស្ត្រធ្វើឱ្យសម្រេចជោគជ័យ ការរៀបចំតារាងអភិក្រមក្របខណ្ឌសមហេតុផល(Logical framework) ដែលមានបញ្ជក់ពីគោលដៅរួម គោលបំណង លទ្ធផលរំពឹងទុក សកម្មភាពអនុវត្ត អាំងឌីកាទ័រច្បាស់លាស់ដែលអាចវាស់វែងបាន មធ្យោបាយផ្ទៀងផ្ទាត់ និងការសន្មត់ (ការគ្រប់គ្រងហានិភ័យដែលអាចកើតមានឡើង)។ ចំណុចចុងក្រោយគឺរៀបចំផែនការអនុវត្ត ផែនការប្រតិបត្តិការ និងផែនការថវិកា។សម្រាប់យុទ្ធសាស្ត្រដើម្បីអនុវត្តផែនការឱ្យបានជោគជ័យគប្បីត្រូវកំណត់ឱ្យបានច្បាស់លាស់ មានយន្តការក្នុងការអនុវត្ត ដូចជា៖ កិច្ចសហការ ការបង្កើតក្រុមការងារដូចក្រុមតាមដាន វាយតម្លៃ គណៈកម្មការលទ្ធកម្មដើម្បីតម្លាភាព និងគណៈកម្មការដទៃទៀតតាមភាព ចាំបាច់ ។សម្រាប់ដំណាក់កាលចុងក្រោយ គឺការប្រជុំបង្ហាញលទ្ធផលនៃការរៀបចំផែនការអភិវឌ្ឍសាលារៀន និងការផ្តល់ព័ត៌មានត្រឡប់ មុនពេលសរសេរសម្រេច និងអនុម័ត។
Subscribe to:
Posts (Atom)