 |
| អំពើហឹង្សាដែលបង្កឡើងដោយស្រ្តី |
ហេតុអ្វីបានជាសិក្ខាកាមភាគច្រើនបង្ហាញប្រភពនៃអំពើហឹង្សាក្នុងគ្រួសារផ្តោតតែទៅលើបុរស
? ហេតុអ្វីការសិក្សាពីអំពើហឹង្សាក្នុងគ្រួសារភាគច្រើន ផ្តោតតែទៅលើស្រ្តី ?តើមានបុរសប៉ុន្មាននាក់កំពុងតែត្អូញត្អែរពីជីវិតគ្រួសារនិងមិនយល់ពីចិត្តស្រ្តីនោះ
? តើមានបុរសប៉ុន្មាននាក់ជួបប្រទះអំពើហឹង្សាក្នុងគ្រួសារ
ហើយលាក់ទុកក្នុងចិត្តនេះពិសេសអំពើហឹង្សាផ្លូវចិត្ត ? តើអំពើអំពើហឹង្សាក្នុងគ្រួសារនេះ កើតឡើងមកពីមូលហេតុអ្វីខ្លះ?
នៅក្នុងសង្គមមានការចាប់អារម្មណ៍តិចតួចណាស់ទៅលើមូលហេតុដែលនាំឱ្យមានអំពើហឹង្សាក្នុងគ្រួសារដែលផ្តោទៅលើស្រ្តីជាប្រភពបង្កទំនាស់ដោយហេតុផលគេយល់
ឃើញ ថា ស្រ្តីជាភេទទន់ខ្សោយជាជាងបុរស។ការយល់ឃើញបែបនេះ
អាចមើលរំលងហេតុផល មួយ ចំនួន ដែលជាប្រភពសំខាន់នៃអំពើហឹង្សាក្នុងសង្គមខ្មែរ
ព្រោះទះដៃម្ខាងមិនលឺទេ ។ជាការពិត ទោះបីជា នៅ ក្នុងសង្គម យើងឃើញមានភ្នាក់ងារជួយស្រ្តីច្រើនក៏ដោយ ក៏អំពើហឹង្សា ក្នុងគ្រួសារ នៅតែ កើត
មាន ហាក់ដូចជាមិនទាន់រកឃើញថ្នាំសក្ត័សិទ្ធិ ដាក់ឱ្យជាសះ ស្បើយ ជម្ងឺនេះ ណាស់ ។
ដូច្នេះ ដើម្បី ចូល រួមចំណែកក្នុងការកាត់បន្ថយ
និងលុបបំបាត់អំពើហឹង្សាក្នុងគ្រួសារនេះ អ្នកនិពន្ធ សូមសាក ល្បង ធ្វើ ការ
វិភាគរកឫសគល់នៃអំពើអសកម្មនេះ និងស្វែងរកថ្នាំដើម្បីព្យាបាលឱ្យ ស្ថានភាព
ជម្ងឺខាង លើធូរ ស្រាល ជាងមុន ។ ហេតុផលមួយក្នុងចំណោម ហេតុផលផ្សេងៗទៀតដែលនាំឱ្យកើតមានអំពើ ហឹង្សា ក្នុងគ្រួសារនោះ គឺ៖
(១)-ឥទ្ធិពលនៃតម្លៃចរិយាធម៌សង្គម
ឬសីលធម៌សង្គម ដែលហាក់ដូចជារឹតបន្តឹងស្រ្តីជាងបុរស ហើយវាបានធ្វើឱ្យប៉ះទង្គិចនឹងអារម្មណ៍ផ្លូវចិត្តរបស់ស្រ្តី ដែលភស្តុតាងជាច្រើនដូចមានចែងក្នុងច្បាប់ស្រី។ ទោះបីសង្គមមានការវិវត្តរីកចម្រើនទៅមុខ ក៏ក្បូនច្បាប់សម្រាប់ស្រ្តី ប្រណិបត្តិតាមមួយចំនួនធំនៅតែមាន អត្ថិភាព និងទទួលស្គាល់យ៉ាងទូលំទូលាយនៅក្នុងសង្គម
។ដោយសារហេតុផលនេះ ស្រ្តីមានឱកាស តិចតួចក្នុងការទទួលបានសេរីភាពនៃការបំពេញចំណង់ធម្មជាតិរបស់ខ្លួន
ហើយលទ្ធផលនៃ ការរាំង ខ្ទប់ចំណង់ធម្មជាតិនេះ
វាបានរុញច្រានឱ្យកើតមានការតានតឹងផ្លូវចិត្ត និងជម្ងឺផ្លូវចិត្ត ដែលវាអាច ក្លាយ ជាប្រភពមួយដ៏សំខាន់នៃការចាប់ផ្តើមអំពើហឹង្សាក្នុងគ្រួសារដូចជា៖
ការរអ៊ូរទាំ ឬអារម្មណ៍ឆាប់ខឹង-ឆេវឆាវ ជាដើម។ស្រ្តីភាគច្រើនមិនអាចបំពេញចំណង់តណ្ហារបស់ខ្លួន
ដែលធម្មជាតិផ្តល់ឱ្យដោយសារ គំនៀប ពីចរិយាធម៌សង្គម ឬសីលធម៌សង្គមដែលមានលក្ខណៈផ្ទុយស្រលះពីបុរស
។បុរសមានសេរីភាព ច្រើនជាង
ស្រ្តីក្នុងការបន្ធូរបន្ថយភាពតានតឹងផ្លូវចិត្តរបស់ខ្លួនដែលកើតមកពីការងារ
និងជីវភាពរស់នៅ ប្រចាំ ថ្ងៃ ដូចជា៖
តាមរយៈការជួបជុំមិត្តភ័ក្រផឹកស៊ី ការលេងកីឡា
ការលំហែកាយ...ជាដើម។ ចំណែកឯ ស្រ្តីត្រូវ
រស់នៅតាមលំនាំទំនៀមទម្លាប់ប្រពៃណីដ៏ល្អ ដើម្បីការទទួលស្គាល់ នូវតម្លៃ ចរិយា មាយាទរបស់
ខ្លួន ដែល ចំណុចមួយចំនួនប្រឆាំងនឹងចំណង់ធម្មជាតិរបស់ខ្លួន ហើយ ដើម្បីទាមទារភាពយុត្តិធម៌ក្នុងជីវិត គូ ស្រករ ភរិយាភាគច្រើនបានព្យាយាមកម្រិតសេរីភាពរបស់ស្វាមី ទៅតាមលំនាំខ្លួន ឬអាចនិយាយបានថា ភរិយាបានគួសផ្លូវឱ្យស្វាមីដើរក្នុងផ្លូវជីវិតគ្រួសារ ។នៅក្នុងជីវិត គូស្រករ បើភរិយាកម្រិតសេរីភាពស្វាមី ហួសហេតុ
ហើយស្វាមីព្យាយាមទាមទារសេរីភាពខ្លួនមក វិញនោះ វានាំឱ្យមានទំនាស់ក្នុងគ្រួសារ និង
ឈានទៅរកការប្រើប្រាស់អំពើហឹង្សាក្នុងគ្រួសារ ។
នៅក្នុងស្ថានភាពប្រទេសកម្ពុជាបច្ចុប្បន្ន គូស្វាមី-ភរិយាភាគច្រើននៅមានចំណេះដឹងទាប ការសម្របខ្លួនរស់នៅជាមួយគ្នា និងការទទួលយករបត់ថ្មីនៃជីវិត ពេលមានគ្រួសារសម្រាប់ស្វាមីនៅមានកម្រិត ដូច្នេះអាចជៀសមិនផុតពីទំនាស់ និងអំពើហឹង្សា។
ការណ៍ នេះ វាទាមទារយល់ដឹងទូលំទូលាយណាស់
អំពីជីវិតគូស្រករ ដើម្បីរស់នៅប្រកបដោយសេចក្តីសុខ សុភមង្គល ។ជាមួយគ្នានេះដែរ
ស្រ្តីក៏បានព្យាយាមសម្រាលភាពតានតឹងផ្លូវចិត្តរបស់ខ្លួនឯងផងដែរ ប៉ុន្តែ
ស្រ្តីនៅទីក្រុងមានឱកាសច្រើនជាងស្រ្តីនៅជនបទ ។យើងអាចធ្វើការឆ្លុះបញ្ចាំងបានតាមរយៈ សកម្មភាព ហាត់ប្រាណរបស់ស្រ្តីមួយចំនួននៅតាមសួនសាធារណៈក្នុងទីក្រុង ។ នៅតាមទីលាន ហាត់កីឡា
តាមចង្វាក់ភ្លេង គឺគេឃើញស្រ្តីមានចំនួនច្រើនជាងបុរសឆ្ងាយណាស់ នេះមកពីហេតុផល ពីរ សំខាន់ (១)
ធម្មជាតិស្រ្តីចង់ស្អាត និង(២) ឱកាសនៃការលំហែចិត្ត និងដើម្បីសុខភាព។សកម្មភាពមួយទៀតដែលជាមធ្យោបាយបន្ធូរភាពតានតឹងផ្លូវចិត្តរបស់ស្រ្តីផងដែរនោះគឺ ការចូលចិត្តជួបជុំគ្នា និយាយបរិហារកេរ្តិ៍អ្នកដទៃ ឬរឿងរ៉ាវស្វាមីខ្លួនឯង ឬការលេងល្បែងស៊ីសង និងចាក់កន្ទុយលេខជាដើម ។
នៅក្នុង ខ្សែជីវិតគូស្រករ មានរឿងជាច្រើន
មិនសូវត្រូវបានបកស្រាយទេ ពិសេសបញ្ហាដែលកើត
ឡើង ទៅលើស្វាមី
ព្រោះស្វាមីភាគច្រើនលាក់ទុករឿងនេះក្នុងខ្លួន ដោយគាត់យល់ថា វាជារឿង អាម៉ាស់ របស់គាត់ដូចជា រឿងរ៉ាវក្នុងគ្រួសារជាដើម ។នៅពេលមានគ្រួសារ
ភរិយាមួយចំនួនបាន មើល ឃើញ វិសមភាព នូវសេរីភាពរបស់ខ្លួនរវាងស្វាមីដែលបង្កឱ្យមានភាពច្រណែនដោយសម្ងាត់
និងមើល ឃើញ ភាពមានឱកាសតិចតួចក្នុងការសម្រាលភាពតានតឹងផ្លូវចិត្តដែលខ្លួនឯងជួបប្រទះ
ក្នុងជីវភាព រស់ នៅ ប្រចាំថ្ងៃ ដែលបណ្តាលមកពី
បន្ទុកការងារផ្ទះដ៏ច្រើនដូចជាការងារជុំវិញជើងក្រាន ការថែទាំផ្ទះ និង ថែទាំ
កូនចៅជាដើម ។ការដាក់សម្ពាធនេះ ប៉ះពាល់យ៉ាងធ្ងន់ធ្ងរទៅលើ
ចិត្តសាស្រ្តភរិយា ដែលស្វាមី ជា ច្រើន មិនសូវយល់ដឹងនិងចាប់អារម្មណ៍ ។ដោយសារកង្វះ
ចំណេះដឹង រូបភាពនៃបញ្ហាចិត្តសាស្រ្តនេះ ភាគ ច្រើន មិនត្រូវបានយកមកដាក់លើតុ ដើម្បីពិភាក្សាគ្នារកដំណោះស្រាយសមស្រប
បែបគតិបណ្ឌិតទេ បែជាប្រើ ប្រាស់អារម្មណ៍ក្នុងការដោះស្រាយទៅវិញ ដែលករណីនេះ វាជាប្រភពនៃទំនាស់ និង អំពើ ហឹង្សា
។ស្ថិតក្នុងស្ថានភាពនេះ ភរិយាមួយចំនួនបានងាកទៅប្រើ
បា្រស់វិធីសាស្រ្ត បែបដាក់ អាណានិគម ឬ ចង់គ្រប់គ្រងនិងធ្វើជាម្ចាស់លើស្វាមីរបស់ខ្លួនទៅវិញ
ដែលឥរិយាបថនេះ ផ្តល់ផល ប៉ះពាល់ យ៉ាងខ្លាំង ដល់ ជីវិតគ្រួសារ ។ករណីនេះ
ទង្វើជាច្រើនស្តែងឡើងតាមរយៈ ការដាក់កំហិត ឬបម្រាម នេះ បម្រាម នោះ ទៅ
លើស្វាមីរបស់គាត់ ដែលផ្ទុយពីអ្វីដែលគាត់ធ្លាប់មានពីមុនមក កាលមិនទាន់មានគ្រួសារ ។ក្នុង ន័យ នេះ មកពីភរិយាមិនអាចឆ្លើយតបជាវិជ្ជមានទៅនឹងចំណង់ធម្មជាតិ ឬតម្រូវការ ចាំបាច់របស់ ខ្លួន តាម មធ្យោបាយ នានា
ដោយសារការខ្វះចំណេះដឹង ឬការរាំងខ្ទប់នៃចរិយាធម៌សង្គម ទើបភរិយា មាន អារម្មណ៍ ឆេវឆាវ
និងឆាប់ខឹងជាងស្វាមី ឧទាហរណ៍ភរិយាមិនអាចផឹកស៊ីក្រៅផ្ទះដើរលេងសប្បាយ ត្រឡប់ មកផ្ទះយប់ជ្រៅ, ចូលរង្គក្រសាល, ចូលច្រៀងខារ៉ាអូខេ...ទេព្រោះបើភរិយាណាប្រព្រឹត្ត
ខ្លួនបែប នេះ នឹងត្រូវសង្គមវាយតម្លៃថាជាស្រ្តីដែលមានចរិយាមាយាទមិនល្អ
ពិសេសស្វាមីរបស់នាងផ្ទាល់ ។ ដូច្នេះ មានតែ មធ្យោបាយទាមទារភាពយុត្តិធម៌នៃសេរីភាពបំពេញចំណង់ធម្មជាតិពីស្វាមីតែប៉ុណ្ណោះ
ដែល ស្រ្តីអាចធ្វើបាន ដោយមិនប៉ះពាល់តម្លៃចរិយាធម៌សង្គម
។រូបភាពជាច្រើនដែល អាចបញ្ជក់ពី បញ្ហា នេះ គឺ មានដូចជា ការដាក់ជម្រើសឱ្យស្វាមីក្នុងការជ្រើសរើសរវាងមិត្តភ័ក្រ និងគ្រួសារ ការស្តែងចេញនូវរូបភាព
ប្រច័ណ្ឌខ្លាំងខុសធម្មតា ឥរិយាបថមិនគោរពដល់កិត្តយសឬតម្លៃស្វាមីរបស់ខ្លួន
ការរឹត បន្តឹងការ ចំណាយ របស់ស្វាមី និងការដាក់បម្រាម ឬលក្ខខណ្ឌផ្សេងៗជាដើម ។ករណីបែប នេះកើត ច្រើន ចំពោះ ស្រ្តី
ដែលមានការអប់រំទាប ហើយករណីមួយចំនួនក៏កើតមានចំពោះស្រ្តីដែលមានការអប់រំខ្ពស់ផងដែរ
ព្រោះ ពេលខ្លះ វិជ្ជា មិនអាចឈ្នះតណ្ហាបានឡើយ ។មួយវិញទៀត
ពេលកើតមានទំនាស់ក្នុងគ្រួសារ គេ ឃើញ ភរិយាពូកែលើកហេតុផលខ្លាំងជាងស្វាមី
ក្នុងការការពារខ្លួន ទោះបីស្វាមីមួយចំនួន មាន ការ អប់រំ ខ្ពស់ ក៏ដោយ ព្រោះស្រ្តីពូកែសន្សំ
និងចងចាំទុកក្នុងខួរក្បាលនូវចំណុចខ្វះខាតរបស់ស្វាមី គាត់ យ៉ាងប៉ិន ប្រសប់
និងរក្សាទុកដើម្បីចាប់កំហុស ឬរំលើកឡើងរាល់ពេលមានទំនាស់
ហើយម៉្យាងទៀតគាត់ យល់ ឃើញ ថា គាត់ជាអ្នកដើរស្របតាមគន្លងចរិយាធម៌សង្គម
ដូច្នេះទើបគាត់មានអំណះអំណាងច្រើនជាង និង សមហេតុផលជាង ។ករណីនេះក៏កើតមានចំពោះបុរសមួយចំនួនផងដែរ ។ស្រ្តីមួយចំនួនមាន ចរឹក ចង់
ឱ្យបុរសទ្រ និងយល់ចិត្តប៉ុន្តែការពិតខ្លួនឯង មិនយល់ពីបុរសវិញទេដែលលក្ខណៈទាំងនេះ នាំ ទៅ រក ភាពមាយា
ងក់ងរច្រើន និងភាពពិបាកយល់ចិត្ត ។ខ្លះ លេចចេញរូបភាព
ជាការរអ៊ូរទាំច្រើន ភាព ចង់ យក តែឈ្នះ មិនសូវមានហេតុផល ងាយប្រែប្រួលអារម្មណ៍
ផ្តាច់ទំនាក់ទំនងផ្លូវភេទ ហើយ ពេលខ្លះ ពិបាក
តម្រូវចិត្ត ។ទាំងនេះ គឺបណ្តាលមកពីកត្តាចិត្តសាស្រ្តរបស់ស្រ្តីទាំងអស់ដែលមាន លក្ខណៈស្មុគ ស្មាញ ខ្លាំង ពិបាកយល់ ។ជាការពិត
មានបុរសមួយចំនួន ជោគជ័យលើការងារគ្រប់គ្រងអាជីវកម្ម មុខ ជំនួញ ឬវិជ្ជាជីវៈ
ប៉ុន្តែការគ្រប់គ្រងគ្រួសារបែរជាមានការលំបាកទៅវិញ ។ករណីមួយចំនួនទៀត
មិនមែន មកពី បុរសអើពើមិនយកចិត្តទុកដាក់ទៅស្រ្តីទេ ប៉ុន្តែមកពីឥរិយាបថរបស់ស្រ្តីតែម្តង
ដែល ធ្វើឱ្យ បុរស ពិបាក សម្របខ្លួនជាមួយ និងយល់ច្បាស់លាស់ពីចិត្តរបស់គាត់ ដែលនេះអាចមកពីលក្ខណៈទុំទោរ នៃ បញ្ហា ចិត្តសាស្រ្ត
។ស្វាមីមួយចំនួនយល់ថា អ្នកដែលយល់ចិត្តភរិយាជាងគេនោះ គឺមានតែលុយប៉ុណ្ណោះ ហើយ
បញ្ហាគ្រួសារជាច្រើនក៏កើតពីលុយនេះដែរឧទាហរណ៍ដូចជា ករណីមួយចំនួននៅពេលប្រពន្ធ ទទួល បានលុយពីប្តីគាត់ គាត់មានអារម្មណ៍ល្អ
សប្បាយចិត្ត ពោលគឺអ្វីៗល្អទាំងអស់រួមទាំងទំនាក់
ទំនង ផ្លូវ ភេទ ប៉ុន្តែដល់ចំណាយសម្រាប់ស្វាមីវិញ មានលក្ខណៈតឹងតែង ពិបាក ទោះបីក្នុងកាលៈទេសៈខ្លះ មាន ការចាំបាច់ក៏ដោយ ហើយពេលគ្មានលុយវិញ
បញ្ហាកើតឡើងកាន់តែច្រើននៅក្នុងគ្រួសារ ដែលភាគ
ច្រើន ស្ត្រីជាអ្នកអុញវាឱ្យឆេះឡើង
។ដោយមើលឃើញពី លក្ខណៈរបស់ភរិយាបែបនេះ ពេលខ្លះស្វាមី មួយ
ចំនួនបានបង្ខំចិត្តលាក់តួលេខចំណូលរបស់ខ្លួនពិតប្រាកដ ព្រោះគ្មាន ជម្រើសណា
ល្អជាង នេះទេ ដែល ករណីនេះភរិយាតែងចោទស្វាមីថា មានភាពមិនស្មោះត្រង់
។បើជួបប្រទះនូវបញ្ហានេះ នាំ ឱ្យ ស្វាមី ពិបាកឆ្លើយទៅនឹងសំណួរដែលសួរថា តើការពិតភរិយា ស្រលាញ់អ្វី ?ហើយត្រូវការអ្វី
?មួយ
វិញ ទៀត ស្រ្តីមួយចំនួន មានភាពលម្អៀងរវាងខ្លួនឯង
និងស្វាមី រវាងគ្រួសារខាងខ្លួន និងគ្រួសារខាងស្វាមី ដែល មានលក្ខណៈអាត្មានិយម
និងគ្រួសារនិយម ពោលគឺមានលក្ខណៈជ្រុលនិយមចង់ឱ្យគេស្រលាញ់ខ្លួន
និងគ្រួសារខ្លួនជាង។បើមានរូបភាពទាំងអស់ខាងលើ
ទំហំសេចក្តីស្នេហារវាងប្តី-ប្រពន្ធ បានធ្លាក់ ចុះ យ៉ាង ខ្លាំង ហើយពេលខ្លះមាន តែទម្រង់ជាគ្រួសារ ប៉ុន្តែអត្ថន័យជាគ្រួសារ កក់ក្តៅមិន
មានទាល់ តែ សោះ ។ស្ថិតក្នុងករណីនេះ បុរសមួយចំនួនបាន
ស៊ូទ្រាំរស់នៅ ក្នុងជីវភាពគ្រួសារ ដោយសារក្តី ស្រ លាញ់ ដ៏មហិមាទៅលើកូនៗ ប៉ុណ្ណោះ
ហើយដែលជាចំណងធំបំផុតសម្រាប់ចងជីវិតគ្រួសារ ។ រូប ភាព ស្នេហា របស់ពួកគេ
ងាកទៅប្រើប្រាស់ខួរក្បាល ជាជាងបេះដូងខ្លួនឯង ហើយមាន លក្ខណៈ ជាការ សម្តែង តួ
ជាជាង ភក្តីភាពពិតប្រាកដ ។គ្រួសារដែលមានលក្ខណៈបែបនេះ ទាមទារ ឱ្យមានការ សម្រុះ
សម្រួល ជាបន្ទាន់ ព្រោះការស៊ូទ្រាំរស់នៅក្នុងស្ថានភាពនេះ កាន់តែយូរប៉ុណ្ណា
កម្លាំងខួរក្បាលកាន់តែ បាក់ ប៉ុណ្ណឹង ។ចំណុចដែលបង្ហាញពីស្រ្តីទាំងអស់ខាងលើនេះ
អ្នកនិពន្ធសូមបញ្ជក់ថា មិនបានក្តោបទៅស្រ្តី ទាំង មូលទេ
គឺគ្រាន់តែផ្តោតទៅលើស្ត្រីមួយចំនួនប៉ុណ្ណោះ ដោយគ្មានចេទនាវាយប្រហារ
និងរិះគន់ស្រ្តី ជាទូទៅឡើយ ។
មួយវិញទៀត
តាមរយៈការវាយតម្លៃដោយមានការចូលរួម (ADB, ឆ្នាំ២០០១)បង្ហាញថាអំពើហឹង្សាក្នុង គ្រួសារ
កំពុងកើតមានកាន់តែច្រើនឡើង ។៧៦ភាគរយនៃអ្នកចូលរួមវាយតម្លៃ ជឿថា “បច្ចុប្បន្ន
មានអំពើ ហឹង្សា
ក្នុងគ្រួសារកើតមានច្រើនជាងពីមុន” ។អ្នកចូលរួមទាំងអស់
គិតថា អំពើហឹង្សាក្នុងគ្រួសារមិនពាក់ ព័ន្ធនឹងភាពក្រីក្រឡើយ ព្រោះថា ពីមុនអ្នកទាំងនោះ
ក្រជាងពេលនេះទៅទៀត។តាមរយៈការ វាយ តម្លៃ នេះ បើអំពើហឹង្សាក្នុងគ្រួសារមិនទាក់ទងនឹងភាពក្រីក្រ
តើវាទាក់ទងសំខាន់ទៅនឹងអ្វី ?នេះជា ការ វាយ
តម្លៃក្នុងឆ្នាំ ២០០១ ថាអំពើហឹង្សាក្នុងគ្រួសារមានការកើនឡើងច្រើនទៅហើយ
ចុះទំរាំដល់ បច្ចុប្បន្ន នេះ(២០១២)
មានស្ថានភាពបែបណា ? ស្ថិតក្នុងបរិបទសង្គមបច្ចុប្បន្ន
ស្រ្តីទទួល ការអប់រំ ច្រើនជាង មុន ការ ធ្វើចំណាកស្រុកមកធ្វើការនៅទីក្រុងដែលជាសង្គមស៊ីវិល័យ
ការហូរចូលយ៉ាងគំហុក នៃ វប្បធម៌ បរទេស
និងឥទ្ធិពលនៃសាកលភាវូបនីយកម្ម បានធ្វើឱ្យស្ត្រីមានការផ្លាស់ប្តូរ ច្រើនពិសេស
ការ គិត និងឥរិយា បថ ដែលផ្តល់ឱកាស កម្លាំង
និងអំណាចដល់ស្រ្តីក្នុងការទាមទារភាពស្មើរភាព ហើយចាប់ផ្តើម ងាក ចេញយ៉ាងខ្លាំងពីផ្នត់គំនិតចាស់គំរិល
។
យើងឃើញថា ឥរិយាបថស្រ្តីដែលមានចែង ក្នុង ច្បាប់ ស្រ្តី ហាក់ ដូចជាកំពុងត្រូវបានធ្វើបដិវត្តយ៉ាងខ្លាំងកា្ល។តើនរណាអាចវាយតម្លៃបានថា ស្ត្រីប៉ុន្មាន ភាគរយ នាពេល បច្ចុប្បន្ននេះ
បានអនុវត្តយ៉ាងត្រឹមត្រូវទៅតាមគន្លងក្បូនច្បាប់ដូចមានចែងក្នុងច្បាប់ស្រ្តីដែល មាន
លក្ខណៈតឹងរឹងនោះ ?មកដល់ពេលនេះ
ស្រ្តីមានការទាមទារកាន់តែខ្លាំង និងមានតម្រូវការកាន់តែខ្ពស់
ក្នុងការ បំពេញបំណង់ធម្មជាតិរបស់ខ្លួន ហើយជានិច្ចកាលតែងតែប៉ះទង្គិចនឹងតម្លៃចរិយាធម៌សង្គម ដែលវា នៅតែមានអត្ថិភាពក្នុងសង្គមនៅឡើយ
ពិសេសនៅក្នុងផ្នត់គំនិតបុរស ។ករណីនេះវាបង្កឱ្យលេញ ចេញ
កាន់តែច្រើននូវអំពើហឹង្សាក្នុងគ្រួសារ
ដែលអាចធ្វើឱ្យជនជាតិខ្មែរក្លាយជាជនរងគ្រោះនៃចរិយា ធម៌ សង្គម ឬសីលធម៌សង្គមខ្លួនឯង។ការដែលបុគ្គលរស់នៅក្នុងនឹងចរិយាធម៌សង្គម
តឹងរឹង ធ្វើ ឱ្យ បុគ្គល ប្រឆាំងនឹងចំណង់ធម្មជាតិខ្លួនឯង
ដោយព្យាយាមបញ្ចេញមកក្រៅនូវទង្វើ សកម្មភាព ការ និយាយ ស្តី ឥរិយាបថ អកប្បកិរិយា...របស់ខ្លួន ស្របតាមចរិយាធម៌សង្គមនោះ ហើយលាក់ទុកនូវចំណង់
ពិត ប្រាកដ ដែលវាជាប្រភពដ៏សំខាន់នៃបញ្ហាចិត្ត-សង្គម។ក្នុងន័យនេះ ការប្រឡូកក្នុងជីវិតគូស្រករ
គឺ គ្មាន អ្វីក្រៅពីយកបេសកម្មដែលសង្គមប្រគល់ឱ្យ ទៅសង្កត់ខ្លួនឯងនោះទេ
ពិសេសស្រ្តី ។ ការចាប់ផ្តើម ជីវិត គ្រួសារ
គឺជាការធ្លាក់ចូលអន្ទាក់ជីវិតដែលចងរឹតខ្លួនឯង
និងកាត់បន្ថយសេរីភាពខ្លួនឯងកាន់តែខ្លាំង ឡើង ៗ ។ ចរិយាធម៌សង្គម ឬសីលធម៌សង្គមនេះ ជាកម្លាំង អរូបីដ៏មានអានុភាព
និងមានឥទ្ធិពលមកលើ សតិ អារម្មណ៍របស់បុគ្គល ។បុគ្គលមា្នក់ៗតែងនឹកឃើញថា
មនុស្សក្នុងមួយសង្គមទាំងមូលកំពុងសម្លឹងមើល មកខ្លួន
ហើយដូចនេះ គេត្រូវធ្វើយ៉ាងណាដើម្បីផ្គាប់ចិត្ត
មនុស្សក្នុងសង្គមនោះ ។ពេលខ្លះ ពួកគេភ័យ ខ្លាច ស្រមោលរបស់វា ទាំងវាមិនទាំងបានបង្ហាញរូបរាងផង ។ លោកហ្សង់ប៉ូសាត្រ បានកត់
សម្គាល់ ថា៖ បើយើងប្រគល់អត្តៈ(ខ្លួនឯង) របស់យើងទាំងមូល ទៅឱ្យសង្គមសង្កត់គឺ គ្មានអ្វី ក្រៅពី ការ
ទាត់ ចោលនូវសេរីភាពរបស់យើងទេ ពោលគឺយើងទុកខ្លួនយើងជាវត្ថុ ។ជារួម នេះជាហេតុផលមួយ
ដែល សាកល្បងបង្ហាញពីប្រភពឫសគល់នៃអំពើហឹង្សាក្នុងគ្រួសារយ៉ាងពិតប្រាកដ ។
មានហេតុផលចម្បងៗផ្សេងៗទៀត
ដែលនាំឱ្យកើតអំពើហឹង្សាក្នុងគ្រួសារដូចជា៖ ស្រា
ភាពក្រីក្រ ល្បែង ការបែកបាក់គ្រួសារ កង្វះការអប់រំ និងអសន្តិសុខផ្នែកនយោបាយ/សង្គម
។ចំណុចទាំងនេះ មានការ បកស្រាយច្រើនមកហើយ ។ដូច្នេះ
អ្នកនិពន្ធមិនបានបកស្រាយបន្ថែមទៀតទេ ។
(២)-កត្តាធម្មជាតិរបស់ស្រ្តីៈ ក្នុងផ្នែកនេះ មានការបកស្រាយច្រើននៅក្នុងសៀវភៅ ភាពខុសគ្នា រវាង ភេទស្រ្តី និងភេទប្រុស (Brain Sex: The Real
Deference Between Men and Women)ដែលនិពន្ធដោយ
អ្នកស្រី Anne Moirនិងលោក David Jesselក្នុងឆ្នាំ១៩៨៩ ។ឯកសារនេះបានបញ្ជក់ពីការប្រែប្រួលអារម្មណ៍ របស់ស្រ្តី
ឆាប់ខឹង និងឆាប់មួម៉ៅ នៅមុនពេលធ្លាក់រដូវ ។ដូច្នេះក្នុងរយៈពេលនេះ ស្រ្តីអាច ងាយ ប៉ះ ទង្គិចផ្លូវចិត្ត បង្កជាទំនាស់ និងអំពើហឹង្សាបាន
។ស្ថិតក្នុងស្ថានភាពដែលបុរសភាគច្រើនមិនបានយល់
ពី កត្តាសរីរវិទ្យារបស់ស្រ្តី
ធ្វើឱ្យអំពើហឹង្សាក្នុងគ្រួសារកើនឡើងជាលំដាប់ ។
(៣)-វិបត្តនៃទំនាក់ទំនងៈ ស្របនឹងដំណើរវិវត្តនៃសង្គម
ស្រ្តីមានការផ្លាស់ប្តូរយ៉ាងឆាប់រហ័ស
ពិសេស យុវតី សម័យថ្មី ។ការផ្លាស់ប្តូរនេះ មកពីកម្រិតនៃការទទួលបានការអប់រំទូលំទូលាយជាងមុន ការ
រីក ចម្រើននៃបច្ចេកវិទ្យា វិទ្យាសាស្រ្ត
ការធ្វើចំណាកស្រុកមកធ្វើការនៅទីក្រុងឬប្រទេសជិតខាង ការ ហូរ ចូលយ៉ាងគំហុកនៃវប្បធម៌បរទេស និងឥទ្ធិពលនៃប្រព័ន្ធផ្សព្វផ្សាយ
។ការផ្លាស់ប្តូរមួយចំនួនរបស់ស្រ្តីជា សញ្ញាណ
វិជ្ជមានបញ្ជក់ពីភាពរីកចម្រើនរបស់ស្រ្តី ប៉ុន្តែវាអាចនាំ ទៅរកវិបត្តិនៃ
ទំនាក់ទំនង រវាង បុរស និងស្រ្តី
ដែលវាជាមូលហេតុសំខាន់ដែលជំរុញឱ្យកើតមានអំពើហឹង្សាក្នុងគ្រួសារ កាន់តែ
ច្រើន ឡើងៗ ។បើចរិយាធម៌សង្គមដែលកំណត់ដោយមនុស្សភាគច្រើនក្នុងសង្គម
មានការវិវត្តិយឺត ជាង ការ ផ្លាស់
ប្តូររបស់ស្រ្តីគឺវាធ្វើឱ្យមានវិបត្តកាន់តែធ្ងន់ធ្ងរឡើងៗលើទំនាក់ទំនងរវាងបរុសនិងស្រ្តីពិ
សេស អតុល្យភាពនៃការផ្លាស់ប្តូរផ្នត់គំនិតរបស់បុរស និងស្រ្តី
។ការផ្លាស់ប្តូរនេះ វាអាចបង្កើតឱ្យមាននូវកម្លាំងបដិ
បក្សរវាងគំនិតជឿនលឿនរបស់ស្រ្តី និងផ្នត់គំនិតដែលចាក់ឬសនៅក្នុងទំនៀមទម្លាប់ប្រពៃណី
របស់ ខ្មែរ ដែលនៅតែមានអត្ថិភាពក្នុងសង្គមនៅឡើយ ។
វិបត្តទំនាក់ទំនងនៅទីនេះ មានន័យថា បុរស មិន យល់ ច្បាស់ពីស្រ្តី
ហើយស្រ្តីក៏មិនយល់ច្បាស់ពីបុរសដែរ ដែលនាំឱ្យមានការពិបាកក្នុងការសម្រប
ខ្លួន រស់ នៅជាមួយគ្នា និងធ្វើឱ្យជីវិតគ្រួសារមានលក្ខណៈស្មុគស្មាញ ។ចំណុចនេះ
វាជាឫសគល់មួយដ៏សំខាន់ ដែលជំរុញឱ្យស្រ្តីស្ថិតក្នុងស្ថានភាពដូចការបកស្រាយក្នុងហេតុផលទី១ “ឥទ្ធិពលនៃតម្លៃចរិយា ធម៌ សង្គម ឬសីលធម៌សង្គម” ប៉ុន្តែវាមានថាមពល
និងផ្តល់ផលវិបាកខ្លាំងជាង ។នៅក្នុងដំណើរវិវត្តិរបស់ សង្គម នាពេលខាងមុន បើចរិយាធម៌សង្គម ឬសីលធម៌សង្គម
និងការផ្លាស់ប្តូររបស់ស្រ្តីមិនមានដំណើរ ស្រប គ្នាទេ វិបត្តិគ្រួសារនឹងកាន់តែកើតឡើងធ្ងន់ធ្ងរទៅៗ
ហើយអត្រាលែងលះគ្នារវាងប្តីនិងប្រពន្ធក៏កាន់ តែ
ច្រើនផងដែរ ។ដូច្នេះ តើគេគួរធ្វើអ្វីខ្លះ
ចំពោះបញ្ហានេះ ?នៅក្នុងសង្គមបច្ចុប្បន្ន
ហាក់ដូចមិនសូវអើពើពី បញ្ហាខាងលើនេះទេ ហើយក៏មិនសូវមានអ្នកសិក្សាស្រាវជ្រាវណា
សាកល្បងវិភាគពីផលវិបាករបស់វាឱ្យ ស៊ីជម្រៅដែរ ពិសេសការរិះរកវិធីសមស្រប
និងមានប្រសិទ្ធភាពដើម្បីទប់ស្កាត់ការរីករាលដាលនៃ អំពើ ហឹង្សាក្នុងគ្រួសារ
។ការងារនេះ ត្រូវរួមសហការគ្នាទើបអាចដោះស្រាយបាន ទាំងបុគ្គលនីមួយៗ គ្រួសារ
សហគមន៍ សាលារៀន និងសង្គមជាតិ ។
ដើម្បី
ជាសក្ខីកម្មបញ្ជក់ពីការផ្លាស់ប្តូររីកចម្រើនរបស់ស្រ្តី ខាងក្រោមនេះជាការបកស្រាយបង្ហាញពីកត្តា
ដែលធ្វើឱ្យស្រ្តីមានការវិវត្តផ្លាស់ប្តូរ
(១)ការអប់រំគឺ
មានដូចជា៖ អត្រាចូលរៀនរបស់កុមារីមានការកើន
ឡើង ការអភិវឌ្ឍកម្មវិធីសិក្សាដែលឆ្លើយតបនឹងការលើកកម្ពស់យែនឌ័រ
ការកសាងមនុស្សពេញលេញ ដែលមានចំណេះដឹង ចំណេះធ្វើ ឥរិយាបថល្អប្រពៃ និង
ចេះរស់នៅចុះសម្រុងនឹងសង្គម និងការរីក ចម្រើន នៃការយល់ដឹងរបស់គ្រួសារនីមួយៗទាក់ទងនឹងសារៈសំខាន់នៃអប់រំសម្រាប់កូនស្រី ។(២)ការ
រីក ចម្រើននៃបច្ចេកវិទ្យា វិទ្យាសាស្ត្រ ឧទាហរណ៍ដូចជាកុំព្យូទ័រ
ទូរស័ព្ទ ការប្រើប្រាស់ប្រព័ន្ធអ៊ីនធ័រណេត អ៊ីម៉ែល ...ជាដើម បានធ្វើឱ្យស្រ្តីមានការផ្លាស់ប្តូរជាច្រើនលើផ្នែកទំនាក់ទំនងសង្គម
និងចំណេះដឹងសង្គម ។ តាមរយៈឧបករណ៍បច្ចេកវិទ្យា
និងវិទ្យាសាស្រ្តនេះធ្វើឱ្យស្រ្តីស្គាល់ពិភពលោកកាន់តែច្បាស់ តាមរយៈ ការ ទទួល
ព័ត៌មាន ការផ្តល់ព័ត៌មាន និងមានទំនាក់ទំនង កាន់តែទូលំទូលាយ ។អាថ៌កំបាំង មួយចំនួន ដែល
បម្រើឱ្យចំណង់ធម្មជាតិរបស់ស្រ្តី ត្រូវបានបង្ហាញ និងយល់ច្បាស់ជាងមុន
ដែលករណីនេះ វាបាន ប្រឆាំង នឹងចរិយាធម៌សង្គម ដូចបញ្ហាផ្លូវភេទជាដើម ។នេះ
បញ្ជក់ពីសេរីភាពទូលំទូលាយជាងមុន សម្រាប់ ស្រ្តីក្នុងការទទួលបានព័ត៌មាន
ចំណេះដឹង និងបទពិសោធ។ (៣)ការចំណាកស្រុកមករស់នៅនិងធ្វើការ
នៅទីក្រុងដែលជាសង្គមទំនើបស៊ីវិល័យ ធ្វើឱ្យស្រ្តីមានភាពឯករាជ្យ មា្ចស់ការ និងប្រើប្រាស់សិទ្ធិសេរីភាព របស់ខ្លួនបានពេញលេញជាងមុនក្នុងការក្រេបរសជាតិជីវិតនិងបង្កើនគុណភាពជីវិត ។ការរស់នៅ ដោយឯករាជ្យ ឱ្យធ្វើស្រ្តីចេញផុតពីទំនៀមទម្លាប់ប្រពៃណីដ៏តឹងរឹង
ហើយធ្វើឱ្យស្រ្តីមួយភាគធំមាន ការ
ពេញចិត្តនឹងជីវិតរស់នៅបែបនេះណាស់ ព្រោះវាធ្វើឱ្យពួកគេយល់កាន់តែច្បាស់ពីអត្ថន័យជីវិត និង សេរីភាព
នៃការបំពេញចំណង់ធម្មជាតិរបស់ខ្លួន ។ដោយសារឥទ្ធិពលនៃសង្គមទំនើបស៊ីវិល័យ
បានធ្វើឱ្យស្រ្តីមាន ការផ្លាស់ប្តូរទម្លាប់របស់ពួកគេដូចជាការប្រើប្រាស់សម្ភារៈទំនើប
ឥរិយាបថ ការនិយាយស្តី ការគិត
និងបំណងប្រាថ្នា ពិសេសការយល់ឃើញអំពីជីវិត ។ការរស់នៅក្នុងសង្គមស៊ីវិល័យ
ធ្វើឱ្យស្រ្តី ទទួល ឥទ្ធិពល ពីសង្គមនោះ និងធ្វើឱ្យស្រ្តីទទួលបានចំណេះដឹង និងបទពិសោធជីវិតកាន់តែច្រើន
។ស្ថិតក្នុងស្ថានភាព នេះ ស្រ្តីមានឱកាសច្រើនជាងមុន ក្នុងការបំពេញចំណង់ធម្មជាតិរបស់ខ្លួន
ព្រោះនៅឆ្ងាយពីឪពុក ម្តាយ ឬអាណាព្យាបាល និងទំនៀមទម្លាប់ប្រពៃណីតឹងរឹង
ដែលភាគច្រើននៅចាក់ឫសរឹងមាំនៅឡើយ នៅតាមមូលដ្ឋាន ។ដោយសារភាពធូររលុងនៃសង្គមថ្មី
ដែលទំនៀមទម្លាប់ប្រពៃណីហាក់ដូចជាធូរលុង ជាង
និងបានផ្តល់ឱកាសឱ្យស្រ្តីអាចសម្របខ្លួនបាននៅក្នុងសង្គមថ្មីនេះ ដែលមាន លក្ខណៈ
សម ស្រប នឹងសេរីភាពរបស់ខ្លួន ហើយនេះពិតជាអ្វី ដែលត្រូវការយ៉ាងពិតប្រាកដ
តាមលក្ខណៈ ធម្មជាតិនៃ មនុស្ស ។ តើនៅពេល ពួកគាត់ (ស្រ្តី) ត្រឡប់ទៅស្រុកកំណើតវិញ ពួកគាត់យល់ឃើញយ៉ាងណាចំពោះ ការរស់ នៅរបស់គាត់ ?តើពួកគាត់យល់ឃើញយ៉ាងដូចម្តេចខ្លះ
ចំពោះ សង្គមពីមុន និង សង្គម ស៊ីវិល័យ ដែល គាត់ធ្លាប់រស់នៅពេលធ្វើចំណាកស្រុក?បន្ទាប់ពីត្រឡប់ទៅរស់នៅក្នុងស្រុកកំណើតរបស់គាត់វិញ តើពួក
គាត់មានប្រតិកម្មដូចម្តេចខ្លះចំពោះសង្គមចាស់របស់គាត់?តើពួកគាត់មានអារម្មណ៍យ៉ាងណាខ្លះ ចំពោះ ស្ថានភាពនេះ ?ដើម្បីធ្វើការឆ្លុះបញ្ចាំងឱ្យកាន់តែច្បាស់ថែម ទៀតពីការខុស ប្លែកគ្នារវាង សង្គម នៅ ជនបទ
និងសង្គមស៊ីវិល័យ ខ្ញុំសូមលើកឧទាហរណ៍ជាក់ស្តែង មកបង្ហាញៈ
កាលពីចុងឆ្នាំ ១៩៩៨ ខ្ញុំ(អ្នកនិពន្ធ) បានបន្តការសិក្សានៅសាកលវិទ្យាល័យភូមិន្ទភ្នំពេញ នាទីក្រុងភ្នំពេញ
បន្ទាប់ពីប្រឡង បញ្ចប់ មធ្យម សិក្សាទុតិយភូមិ
ខ្ញុំបានមើលឃើញភាពខុសប្លែកគ្នាច្រើនពីសង្គមទំនើបស៊ីវិល័យ និងស្រុក កំណើត
របស់ខ្ញុំនៅទីរួមខេត្តស្វាយរៀង សម្រាប់រយៈពេល១៧ឆ្នាំដែលខ្ញុំមិនធ្លាប់ស្គាល់
ទីក្រុងភ្នំពេញ ទាល់ តែសោះ ដោយបានឃើញត្រឹមតាមកញ្ចក់ទូរទស្សន៍ប៉ុណ្ណោះ ។នេះ ជារបត់ជីវិតថ្មីរបស់ខ្ញុំ ដែល ខ្ញុំ ត្រូវ
ស្វែងយល់ជាច្រើនពីសង្គមថ្មីនេះ ដោយពឹងពាក់អាស្រ័យនៅផ្ទះបងប្អូន និងវត្តអារាម
។ការផ្លាស់ប្តូរមជ្ឈដ្ឋានរស់នៅថ្មីនេះ បានធ្វើឱ្យខ្ញុំ មានការយល់ដឹងច្រើនពីសង្គម
តាមរយៈការអប់រំបែបអពន្ភរញាណ ។នៅដំណាក់ កាលដំបូងអ្វីដែលខ្ញុំចាប់អារម្មណ៍មុនគេសម្រាប់ទិដ្ឋភាពនៅទីក្រុងនោះ គឺការស្លៀក
ពាក់ របស់ ស្រ្តី ។ខ្ញុំបានឃើញស្រ្តីស្លៀកខោខ្លីបញ្ចេញសាច់ភ្លៅ
ក្រោមក្រលៀនតែបន្តិច ដែលរូបភាពនេះ ខ្ញុំ មិន
ដែលឃើញសោះកាលនៅស្រុកកំណើត ហើយអ្វីដែលធ្វើឱ្យខ្ញុំ ចាប់អារម្មណ៍
កាន់តែខ្លាំង នោះ គឺ នៅ ពេលដែលខ្ញុំបានជិះកង់កំសាន្ត និងឈប់សម្រាកអង្គុយលេងនៅក្នុងសួនច្បារសម្តេចហ៊ុន សែន ដែល ស្ថិតនៅ
ក្បែរណាហ្គាវើលបច្ចុប្បន្ន នៅទីនោះខ្ញុំបានឃើញ គូសង្សាក្មេងៗ
ដែលភាគ ច្រើនសុទ្ធ តែជាសិស្ស សាលា បានអង្គុយអោបថើបគ្នាកណ្តាលថ្ងៃចែស មិនក្រែងរអា នរណាឡើយ ហាក់ ដូច ធម្មតា គ្មាននរណាចាប់អារម្មណ៍ឡើយ
។សម្រាប់អ្នកគ្មានគូ អង្គុយអានសៀវភៅ ឬកាសែតធ្វើមិនដឹង ហាក់គ្មាន រឿងអ្វី
កើតឡើងទាំងអស់ ។ពួកគេ ជិះម៉ូតូជាមួយគ្នា ហាក់គ្មានភ័យព្រួយ
បារម្ភអ្វីទាំងអស់ ។ខ្ញុំ នឹក ឆ្ងល់ជា ខ្លាំង និងនឹកគិតដល់ទិដ្ឋភាពនេះបើកើតមាននៅស្រុកកំណើតខ្ញុំម្លេះសម អ្នកភូមិនិយាយដើម និង បរិហារកេរ្តិ៍គ្រួសារប៉ុណ្ណាទេ
មើលទៅ ។នេះពិតជាទង្វើ ធ្វើឱ្យប៉ះពាល់ដល់កិត្តិយសគ្រួសារយ៉ាងខ្លាំង ។ បើសិនរូបភាពខាងលើនេះកើតឡើងចំពោះខ្ញុំវិញ
ខ្ញុំប្រហែលជាត្រូវឪពុក ម្តាយខ្ញុំ និងអ្នកភូមិ ស្តី បន្ទោស ខ្ញុំជាមិនខានឡើយ មិនត្រឹមតែខ្លួនខ្ញុំផ្ទាល់
គ្រួសារខ្ញុំក៏ត្រូវរងការវាយប្រហារនេះដែរ ។ នៅ
ពេល នោះ ខ្ញុំគិតថា សម្រាប់ខ្ញុំប៉ុណ្ណឹង ចុះទំរាំគូសង្សាខ្ញុំ តើធ្ងន់ធ្ងរ
ប៉ុណ្ណាទៅ ? ទិដ្ឋភាពនេះ ខុសប្លែក យ៉ាងខ្លាំង
ពីស្រុក កំណើត ខ្ញុំនៅអំឡុងពេលនោះ ។ ប៉ុន្តែនៅពេល ខ្ញុំត្រឡប់មកស្រុកកំណើត និងមកធ្វើការងារ នៅ ទីនេះ វិញ នៅឆ្នាំ
២០០៣ខ្ញុំក៏ចាប់ផ្តើមមើលឃើញ
ដំណើរវិវត្តរបស់យុវជន យុវតីសម័យថ្មី មាន
លំនាំ ទៅតាមសង្គមស៊ីវិល័យដូចទីក្រុងភ្នំពេញដែរ
។ខ្ញុំជឿជាក់ថា៖ ករណីនេះ មិនមែនខ្ញុំសម្លឹង មើល ផ្កាយ តែមួយ
ហើយវាយតម្លៃផ្ទៃមេឃទាំងមូលទេ យុវជន-យុវតីភាគ
ច្រើននៅតាមទីក្រុងពិតមានរូបភាព បែប នេះ ។ សម្រាប់ខ្លួនខ្ញុំផ្ទាល់
ខ្ញុំយល់ថា ការរស់នៅទីក្រុង នៅពេលនោះពិតជាផ្តល់សេរីភាពឱ្យខ្ញុំច្រើន
ជាងកាលដែលខ្ញុំរស់នៅស្រុកកំណើត ។ស្ថិតក្នុងយុវវ័យ
ខ្ញុំពិតជាមានការពេញចិត្តនឹងរបៀបរស់ នៅបែប នេះណាស់ ព្រោះខ្ញុំមានភាពឯករាជ្យ
ម្ចាស់ការលើខ្លួនឯង និងមានឱកាស គ្រប់គ្រាន់ ក្នុង ការស្វែងយល់ពីជីវិត
ដើម្បីបង្កើនគុណភាពជីវិត។ជារួម នេះពិតជាស
បញ្ជក់យ៉ាងច្បាស់ ពីការ ផ្លាស់ ប្តូរ យ៉ាង ធំ
របស់យុវជន និងយុវតីសម័យថ្មី ពិសេសយុវតីនៅជនបទ ដែលធ្វើចំណាកស្រុក ហើយ ទទួល ឥទ្ធិពល នៃសង្គមស៊ីវិល័យទាំងនេះ ។(៤)មួយវិញទៀតការហូរចូលនៃវប្បធម៌បរទេសអវិជ្ជមាន
បាន បំផ្លាញ នូវទំនៀមទំលាប់ប្រពៃណីខ្មែរ ដូចជា៖ យុវជន យុវតីសម័យថ្មីមួយចំនួន
លួចរួម រស់ជាមួយ គ្នាមុន រៀបការ សកម្មភាពទំនើង ការប្រើប្រាស់គ្រឿងញៀន
និងភាពភ្លើតភ្លើនពាលាអាវ៉ាសែ...ជាដើម ។ ការ
ហូរចូលនៃវប្បធម៌បរទេសនេះ បានធ្វើការផ្លាស់ប្តូរយុវជន យុវតីមួយចំនួនធំទាំងការស្លៀកពាក់
និយាយ ស្តី ឥរិយាបថ និងអាកប្បកិរិយា
ដែលប្រាសចាកពីទំនៀមទម្លាប់ប្រពៃណីរបស់ខ្មែរពីមុន
។ យុវជន យុវតីសម័យថ្មី បង្ហាញលក្ខណៈធម្មជាតិរបស់ខ្លួនកាន់តែច្បាស់
ហើយប្រឆាំងកាន់ខ្លាំងទៅនឹងចរិយា ធម៌ សង្គម ។ អាថ៌កំបាំងនៃចំណង់ធម្មជាតិជាច្រើន ត្រូវបានបង្ហាញ
យ៉ាងច្បាស់ តាមរយៈ បច្ចេក វិទ្យា និងការសាបព្រោះវប្បធម៌អវិជ្ជមាន
ដូចជា រូបភាព និងភាពយន្តអាសអាភាសជាដើម។ផលវិបាកនៃការ បញ្ហានេះ
វាបានបង្កើតឱ្យមានកម្លាំងបដិបក្សរវាងចំណង់ធម្មជាតិ និងចរិយាធម៌សង្គម ឬសីលធម៌
សង្គម ។ វាធ្វើឱ្យយុវជន យុវតីភាគច្រើនបានទំនាស់ជាមួយឪពុកម្តាយ
ឬអាណាព្យាបាល នៅក្នុង យុគ សម័យ ថ្មី ។ ខ្ញុំមានជំនឿថា
គ្មានអ្វីទប់យុវជន យុវតីសម័យថ្មីបានទេ បើសង្គមនៅតែបើកចំហជើងមេឃ ទទួល
យកវប្បធម៌បរទេសអវិជ្ជមាន ដែលបំផ្លាញទំនៀមទម្លាប់ប្រពៃណីរបស់ខ្មែរនោះ
និងមិនបានយក ចិត្ត ទុកដាក់រិះរកមធ្យោបាយប្រកបដោយប្រសិទ្ធភាពក្នុងការទប់ ស្កាត់ឱ្យទាន់ពេលវេលាទេនោះ
។ បញ្ហា នេះ វានឹងទុំជោរនាពេលអនាគតដ៏ខ្លីខាងមុន ។ស្ថិតក្នុងស្ថានភាពនេះ គ្រួសារ
និងសាលា រៀន ពិត ជា ពិបាក ទប់ស្កាត់ចលនាថ្មីនេះណាស់ ។ដូច្នេះ
ស្ថិតក្នុងស្ថានភាពនេះ តើគេគួរបណ្តោយ ឬបន្តរឹត បន្តឹង ? តើវិធីសាស្រ្តណាមួយចំណេញជាង
?បើស្ថានភាពនេះ
នាពេលអនាគតនៅតែដដែល តាមការយល់ឃើញរបស់អ្នកនិពន្ធសម្រាប់ផ្នែកទំនាក់ទំនងផ្លូវភេទ
ឪពុកម្តាយ ឬអាណាព្យាបាល គួរតែហុចស្រោមអនាម័យ ដល់កូន ប្រហែលជាល្អប្រសើរជាង
ហាមឃាត់សេរីភាពចំណង់ធម្មជាតិរបស់គាត់ ព្រោះ វាបាន ត្រឹម បង្កើតទំនាស់
និងអំពើហឹង្សាក្នុងគ្រួសារ តែប៉ុណ្ណោះ ។នេះក៏ជាផ្នែកមួយ នៃអំពើហឹង្សាគ្រួសារ ដែល
កើត លើកូនក្នុងបន្ទុក
តែសម្រាប់ការបង្ហាញនៅទីនេះគឺចង់បង្ហាញពីហេតុផលសំខាន់មួយ ដែលបណ្តាល មកពី
បញ្ហាខាងលើ ធ្វើឱ្យការរៀបការក្នុងវ័យក្មេងកើនឡើង និងជំរុញឱ្យមាន ការកើនឡើងកាន់
តែច្រើននូវ អំពើហឹង្សាក្នុងគ្រួសារផងដែរ ។គូស្រករវ័យក្មេង
ភាគច្រើនជួបប្រទះនឹងវិបត្តគ្រួសារ
និងភាព រស់ នៅមិនចុះសម្រុងនឹងគ្នា។(៥)ចំណុចចុងក្រោយគឺ ឥទ្ធិពលនៃប្រព័ន្ធផ្សព្វផ្សាយ ដូចជា វិទ្យុ ទូរ ទស្សន៍ ... ជាដើមដែលភាគច្រើនបម្រើឱ្យការសប្បាយជាជាងការលើកកម្ពស់ការអភិវឌ្ឍប្រទេស
ឬ បម្រើ ឱ្យ ភាព កើនឡើងនូវការធ្វើពាណិជ្ជកម្ម ប៉ុន្តែបំផ្លាញវប្បធម៌ និងសេដ្ឋកិច្ច
(ឧ-កម្មវិធីមួយចំនួនជំរុញការ ភ្លើត ភ្លើនរបស់យុវជន-យុវតីតាមរយៈការរាំ ច្រៀង ស្លៀកពាក់ និងការប្រើប្រាស់សម្ភារទំនើប ទាន់សម័យ ជាដើម
ដែលទាំងអស់នេះ ធ្វើប៉ះពាល់ជាខ្លាំងដល់វប្បធម៌ដ៏ផូរផង់របស់ជាតិ
ពិសេសវាជំរុញឱ្យមានការ កើនឡើងនូវការផ្គត់ផ្គង់មិនចាំបាច់មួយចំនួន ដូចជា៖
ឡានទំនើប ម៉ូតូទំនើប សំលៀកបំពាក់ដែលមានតម្លៃថ្លៃ...។ល។ដែលជាធាតុសំខាន់ ក្នុងការបំផ្លាញ សេដ្ឋកិច្ចជាតិ
សម្រាប់ស្ថានភាព ប្រទេស ដែល កំពុង អភិវឌ្ឍន៍នោះ ។ កម្មវិធីផ្សព្វផ្សាយមួយចំនួន
មិនស៊ីគ្នានឹងស្ថានភាពប្រទេស ដូចជា ប្រជា ពលរដ្ឋ ខ្មែរភាគ ច្រើនជាកសិករ
ប្រកបរបរកសិកម្ម ដូច្នេះ ការផ្សព្វផ្សាយពីចំណេះដឹង និងបទពិសោធកសិកម្ម ដើម្បី អូស ទាញប្រជាពលរដ្ឋ
និងផ្តល់នូវកម្លាំងចិន្តានុភាពក្នុងការអភិវឌ្ឍសេដ្ឋកិច្ចគ្រួសារ មានប្រយោជន៍ជាង
ការ ផ្សព្វផ្សាយពីភាពស៊ីវិល័យ ការសប្បាយរាំច្រៀង
និងការកំសាន្តសប្បាយដ៏ច្រើនលើសលប់ ដែល ភាគ ច្រើនផ្តល់ផលអវិជ្ជមានដូចជា៖
ពង្វក់ស្មារតីយុវជន យុវតី ហើយក៏ហេតុផលដ៏សំខាន់ ដែល ជំរុញ ឱ្យ
មានការផ្លាស់ប្តូរបែបអវិជ្ជមានផងដែរ ពិសេសស្រ្តី ។ជារួមហេតុផលទាំងអស់ខាងលើ
បានធ្វើឱ្យ ស្រ្តី មាន ការផ្លាស់ប្តូរទាំងវិជ្ជមាន និងទាំងអវិជ្ជមាន ។ស្រ្តីភាគច្រើនមានការ យល់ ដឹងជាងមុន
និងមើល ឃើញ ពិភពលោកទូលំទូលាយជាងមុន ហើយមកដល់ដំណាក់កាលនេះ ស្រ្តី ក៏ទាមទារកាន់តែខ្លាំង ផង ដែរ ក្នុងការបំពេញចំណង់ធម្មជាតិរបស់ខ្លួន
។ជាមួយគ្នានេះ មានស្ថាប័នជាច្រើន ក៏បាននឹងកំពុងយកចិត្តទុកដាក់
ចូលរួមចំណែកសកម្មក្នុងការលើកកម្ពស់ស្រ្តី ដែលធ្វើឱ្យស្រ្តី
កាន់តែមានការផ្លាស់ប្តូរ ប៉ុន្តែគេមិនសូវ
គិតគួរដល់ការផ្លាស់ប្តូរនៃតម្លៃចរិយាធម៌សង្គមទេ ពិសេសការ ផ្លាស់ ប្តូររបស់បុរស
។តើបុរស មាន ការផ្លាស់ ប្តូរកម្រិតណា ?បើស្រ្តីមានការផ្លាស់ប្តូរលឿនជាងសង្គម នាំ ឱ្យ មានវិបត្តិនៃទំនាក់ទំនងរវាងស្រ្តី និង បុរស ។ហេតុអ្វី ? ព្រោះស្ថិតក្នុងបរិបទនេះ ស្រ្តីមួយចំនួនធំ ពិសេស យុវតីសម័យថ្មី លែង ជា សំពត់ ក្នុង
ផ្នត់ស្របតាមទំនៀមទំលាប់ប្រពៃណីទៀតហើយ ។ដូច្នេះ
ស្ថានភាព ទំនាស់ដែលជាប្រភពនៃ
អំពើ ហឹង្សា ក្នុងគ្រួសារ កាន់តែមានសភាពធ្ងន់ធ្ងរជាងមុន ដោយសារសង្គម មានការវិវត្តិផ្លាស់ប្តូរយឺតណាស់
ពិសេស ផ្នត់គំនិតមនុស្សចាស់ និងបុរស ។
No comments:
Post a Comment
សូមផ្តល់ជាមតិយោបល់នៅចំណុចនេះ!