 |
| ការដាំដំណាំដោយគ្របផ្លាស្ទិក |
 |
| ថ្នាលដាប៉ុក |
នៅក្នុងប្រទេសកម្ពុជា មានប្រជាពលរដ្ឋជាង ៨០ភាគរយជាកសិករប្រកបរបរកសិកម្ម ហើយវិស័យកសិកម្ម ជាវិស័យអាទិភាពទី១ ក្នុងការអភិវឌ្ឍប្រទេសជាតិ ព្រោះវាជាប្រភពប្រាក់ចំណូលជាតិធំបំផុតមួយ ។ទោះបីជាយ៉ាងណាក៏ដោយ ក្នុងស្ថានភាពបច្ចុប្បន្ន ក៏មានប្រជាកសិករមួយចំនួនបានបាត់បង់ជំនឿលើការងារកសិកម្មដែរ និងមិនសូវយកចិត្តទុកដាក់សកម្មលើការងារនេះ។តើនេះមកពីមូលហេតុអ្វី ? ចំពោះបញ្ហានេះ អ្នកវិភាគសូមធ្វើការសាកល្បងវិភាគរកឫសគល់របស់វា គ្រាន់ទុកជាវិភាគទានគំនិតសម្រាប់អ្នកសិក្សាស្រាវជ្រាវពីបញ្ហាសង្គម និងការអភិវឌ្ឍប៉ុណ្ណោះ ព្រោះយើងមិនមានឧបករណ៍ប្រមូលព័ត៌មាន និងវិភាគសំណាកត្រឹមត្រូវទេ។មូលហេតុចម្បងធំៗបួនដែលជាហេតុផលធ្វើឱ្យប្រជាកសិករខ្មែរមួយចំនួនបានបាត់បង់ជំនឿលើការងារកសិកម្ម ដែលមានបកស្រាយដូចខាងក្រោម ៖
១-កត្តាប្រជាកសិករខ្លួនឯងៈ ដោយសារប្រជាកសិករមួយចំនួនធំ
មានចំណេះដឹងនៅទាប ដូច្នេះការផ្លាស់ប្តូរទម្លាប់បុរាណ និងការគិតរបស់គាត់ក្នុងការអនុវត្តការធ្វើស្រែចំការ
ហាក់ដូចជានៅមានកម្រិត ។គាត់នៅតែមានជំនឿទៅលើ
ទម្លាប់ការអនុវត្តជោគជ័យពីបុរាណរបស់គាត់ ដោយមិនព្រមទទួលយកនូវគំនិត
និងបច្ចេកទេសថ្មីបើទោះ ស្ថានភាពបច្ចុប្បន្នគាត់ជួបប្រទះបញ្ហាប្រឈមច្រើនក៏ដោយដូចជា៖
ការកើនឡើងនូវសត្វល្អិតបំផ្លាញ ជម្ងឺប្លែកៗ និងការខូចខាតផលដំណាំដោយសារអាកាសធាតុជាដើម
។ស្ថិតក្នុងបរិបទនៃបម្រែបម្រួលអាកាសធាតុ ដែលកំពុងជះឥទ្ធិពលអាក្រក់
ដល់ប្រទេសកម្ពុជា ដូច្នេះការអនុវត្តបែបទម្លាប់ចាស់លែងទទួលផលទៀតហើយ ព្រោះ
វាទាមទារបច្ចេកទេសថ្មីដែលអាចបន្ស៊ាំបានទៅនឹងអាកាសធាតុ ។ការដែលមិនមានឆន្ទៈមុតមាំ
ក្នុងការសិក្សា ដកពិសោធនូវបច្ចេកទេស ថ្មី ជាឧបសគ្គដ៏ធំ ក្នុងការអភិវឌ្ឍ
និងជាហេតុធ្វើឱ្យប្រជាកសិករបាត់បង់ជំនឿលើការងារកសិកម្មបើទោះបី ជាពួកគាត់ធនធានដែលមានស្រាប់នៅក្នុងដៃក៏ដោយ
។ ភស្តុតាងដែលបញ្ជក់ថា ពួកគាត់បាត់បង់ជំនឿនេះ យើងអាចវាយតម្លៃបានតាមរយៈការធ្វើចំណាកស្រុក
និងការលះបង់ការសិក្សាដើម្បី ចូលធ្វើការងារដូចជាការងារជាកម្មកររោងចក្រ
កម្មករសំណង់...របស់ប្រជាកិសករពេញកម្លាំងជាដើម ។ស្ថិតក្នុងស្ថានភាពបម្រែបម្រួលអាកាសធាតុ
វាទាមទារជាចាំបាច់សម្រាប់ប្រជាកសិករក្នុងការទទួលយកនូវបច្ចេកទេសបន្ស៊ាំទៅនឹងបម្រែបម្រួលអាកាសធាតុ
ឧទាហរណ៍ បើតំបន់ជួបប្រទះ ជាញឹកញាប់នូវគ្រោះរាំងស្ងួត
ការដាំដំណាំដោយគ្របដី ជាមួយចំប៉ើង រុក្ខជាតិផ្សេងទៀតឬថង់ប្លាស្ទិក ជាបច្ទេកទេសសមស្របបំផុតព្រោះវាត្រូវការទឹកតិច
រក្សាបានជីជាតិដី ការពារសំណឹក ការហូរច្រោះ និងចំណាយពេលវេលានិងកម្លាំងតិច
ការស្តាស្រះឱ្យមានជម្រៅសមស្របដែលអាចរក្សាទឹកបាន ការកសាងប្រព័ន្ធស្រោចស្រព ការរៀបចំថ្នាលដាប៉ុកសម្រាប់ដំណាំស្រូវ
និងការប្រើប្រាស់ពូជដែលធន់នឹងអាកាសធាតុជាដើមដែលទាំងអស់សុទ្ធតែបច្ចេកទេសសមស្របសម្រាប់បរិបទនៃបម្រែបម្រួលអាកាសធាតុ(ចំណុចនេះ
អ្នកវិភាគនឹងសាកល្បងបកស្រាយបង្ហាញលម្អិតពីភាពខុសគ្នាពីការអភិវឌ្ឍបែបធម្មតា
និងការអភិវឌ្ឍបែបបន្ស៊ាំនៅពេលក្រោយ) ។មួយវិញទៀតដោយហេតុផល
ការងារការធ្វើស្រែចំការភាគ ច្រើនមិនទាន់មានប្រព័ន្ធធារាសាស្រ្តគ្រប់គ្រាន់
ធ្វើឱ្យការធ្វើស្រែចំការពឹងផ្អែកតែលើអាកាសធាតុ ហើយដល់ពេលអាកាសធាតុមានការប្រែប្រួល
គួបផ្សំនឹងសមត្ថភាព-លទ្ធភាពបន្ស៊ាំនៅមានកម្រិតធ្វើឱ្យការងារកសិកម្មជួបប្រទះនូវឧបសគ្គច្រើន
និងទទួលបានទិន្នផលទាប ។
២-សហគមន៍ៈ ប្រជាកសិករមួយចំនួនធំមិនបានចងក្រងជាសហគមន៍កសិករ ដើម្បីធ្វើការរួមគ្នាក្នុងការធ្វើឱ្យល្អប្រសើរឡើងនូវបច្ចេកទេសកសិកម្ម
និងការស្វែងរកទីផ្សារទេ ។ការមិនប្រមូលផ្តុំ ប្រជាកសិករឱ្យសហការគ្នា
ដោះដូរបទពិសោធ និងជួយគ្នាទៅវិញទៅមកជាឧបសគ្គធំបំផុតដែលធ្វើឱ្យការងារស្រែចំការមិនជោគជ័យ
។ឧទាហរណ៍ បើក្នុងសហគមន៍មួយមានកសិករពីរ-បីគ្រួសារព្យាយាមអនុវត្តបច្ចេកទេស
និងពូជថ្មី ក្នុងការធ្វើស្រែ ហើយសហគមន៍ទាំងមូលនៅបន្តអនុវត្តពូជបុរាណដដែល
វាធ្វើឱ្យកសិករពីរ-បីគ្រួសារមានឧបសគ្គច្រើន លើការងាររបស់គាត់ដូចជា៖ បើស្រូវគាត់ល្អជាមុខសញ្ញាសម្រាប់សត្វល្អិតក្នុងការបំផ្លាញ
ឬអាចទុំមុនគេហើយត្រូវចាប ឬសត្វកណ្តុរបំផ្លាញ …ជាដើម ។នេះឆ្លុះបញ្ចាំងពីភាពមិនឯកភាពជាលក្ខណៈសហគមន៍ទាំងមូល
ក្នុងការអភិវឌ្ឍវិស័យកសិកម្ម ហើយដែលជាមូលហេតុមួយនាំទៅរកភាពបាត់បង់ជំនឿលើការងារស្រែចំការ
។សហគមន៍ទាំងមូលគួរស្រុះស្រួលគ្នា
ក្នុងការធ្វើស្រែចំការដូចជាការចាប់ផ្តើមការធ្វើស្រែចំការស្របគ្នា
ប្រើប្រាស់ពូជសមស្រប ហើយបើមានសត្វល្អិតបំផ្លាញកើតឡើងការបាញ់ថ្នាំពុលគប្បីធ្វើឡើងទូទាំងសហគមន៍ទាំងមូលទើបមានប្រសិទ្ធភាពជាង
ការធ្វើជាលក្ខណៈបុគ្គល ។មួយវិញទៀត ការចងក្រងសហគមន៍
វាផ្តល់ភាពងាយស្រួលក្នុងការអភិវឌ្ឍផ្សេងៗដូចជា៖ ការស្តាប្រឡាយ
លើកផ្លូវ និងការងារអភិវឌ្ឍន៍ផ្សេងៗទៀត ហើយក៏ អាចបង្កើតឱ្យមានជាការសន្សំប្រាក់ជាឥណទានសហគមន៍ក្នុងការប្រើប្រាស់ជាទុនបង្វិលក្នុងការអភិវឌ្ឍសហគមន៍
ផងដែរ។ការចងក្រងក្រុមសន្សំនេះ នឹងមានប្រសិទ្ធភាព និងនិរន្តរភាពជាងបើវាចាប់ផ្តើមពីឆន្ទៈរបស់ប្រជាកសិករ
និងមើលឃើញគុណប្រយោជន៍របស់ក្រុមក្នុងការអភិវឌ្ឍគ្រួសារគាត់ក៏ដូចជាសហគមន៍ទាំងមូលហើយមិនតែប៉ុណ្ណោះបើមានស្ថាប័នជំនាញរបស់រាជរដ្ឋាភិបាល
និងអាជ្ញាធរមូលដ្ឋានចូលរួមចំណែកគាំទ្រសកម្មថែមទៀត ការងារនេះនឹងជោគជ័យជាក់ជាមិនខាន
។
៣-ស្ថាប័នជំនាញ និងអង្គការក្រៅរដ្ឋាភិបាលៈ អង្គការសង្គមស៊ីវិល
និងស្ថាប័នជំនាញបានព្យាយាម បណ្តុះបណ្តាល នូវបច្ចេកទេសថ្មីដល់ប្រជាកសិករ
ប៉ុន្តែការអភិវឌ្ឍវិស័យកសិកម្មហាក់នៅមានកម្រិតបើប្រៀបធៀបនឹងប្រទេសជិតខាង
។កម្រិតការទទួលយកនូវបច្ចេកទេសថ្មី ហាក់មិនទាន់ទូលំទូលាយសោះ ព្រោះភា្នក់ងារអភិវឌ្ឍន៍មួយចំនួនហាក់នៅ
ឆ្ងាយពីប្រជាកសិករពេក ។វិធីសាស្រ្តអភិវឌ្ឍមួយចំនួនមានលក្ខណៈជាការផ្តល់ចំណេះដឹង
គួរធ្វើនេះ គួរធ្វើនោះ ពោលគឺក្នុងគោលបំណងចង់ឱ្យប្រជាកសិករទទួលយក
និងអនុវត្តនូវបច្ចេកទេសថ្មីទាំងស្រុងហើយផ្លាស់ប្តូរទម្លាប់ចាស់របស់គាត់
។វាពិតជាមិនងាយស្រួលឡើយក្នុងការផ្លាស់ប្តូរការគិតរបស់គាត់
ព្រោះគាត់ត្រូវការជាក់ស្តែង ជាជាងទ្រឹស្តី ។គាត់ប្រហែលជាទទួលយកបទពិសោធជោគជ័យរបស់ប្រជាកសិករដទៃ
ជាជាងការបង្គាប់បញ្ជាឱ្យទទួលយក ។ជាមួយគ្នានេះដែរ
ភ្នាក់ងារអភិវឌ្ឍន៍មួយចំនួនបានគិតតែទៅលើបច្ចេកទេសបន្ស៊ាំទៅ នឹងបម្រែបម្រួលអាកាសធាតុ
ដោយមិនបានគិតដល់ការបន្ស៊ាំទៅនឹងស្ថានភាពរស់នៅរបស់ពួកគាត់ ដែលធ្វើឱ្យទទួលយកបច្ចេកទេសថ្មីមិនមាននិរន្តរភាព
ពោលគឺត្រូវបានអនុវត្តតែនៅ ក្នុងវដ្តនៃគម្រោងតែប៉ុណ្ណោះ ឧទាហរណ៍ដូចជា៖
ចំណុចខ្វះខាតពីការធ្វើស្រែបែបប្រពលវប្បកម្ម ជាដើម។ដោយហេតុផលតាមគ្រួសារប្រជាកសិករមួយចំនួន
មានសមាជិកធ្វើចំណាកស្រុក ឬធ្វើការងាររោងចក្រ…ដែលអ្នកទាំងនោះសុទ្ធតែកម្លាំងពលកម្មស្នួលក្នុងការធ្វើស្រែចំការ
ការអនុវត្តប្រពលវប្បកម្ម ហាក់នៅ មានកម្រិតព្រោះខ្វះខាតកម្លាំងពលកម្ម ហើយវិធីសាស្រ្តនេះ
មានលក្ខណៈម៉ត់ចត់ពេកដែលពិបាកសម្រាប់ប្រជាកសិករសាមញ្ញដូចជា
ការដាំត្រង់ជួរដោយដាក់ខ្សែវាស់ជាដើម ។ វិធីសាស្រ្ត នេះ គប្បីចាប់ផ្តើមជាមួយនឹងការបន្ស៊ាំទៅនឹងស្ថានភាពគាត់វិញល្អជាង
ដោយជំរុញ ឱ្យប្រជាកសិករទទួលយកតាមផ្នែកនៃប្រពលវប្បកម្មដែលអាចធ្វើបាន
។ឧទាហរណ៍ការប្រើប្រាស់ពូជ ការរៀបចំថ្នាលដាប៉ុក ការរៀបចំដីស្រែ ការប្រើជីការស្ទួងចាប់តិច
ការស្ទួងត្រង់ជួរជាដើម មុននឹងឈានទៅរកលក្ខណៈប្រពលវប្បកម្មផ្លូវការសុធសាធ
។តាមការសង្កេតជាទូទៅប្រជាកសិករមួយចំនួននិយមចូលចិត្តធ្វើអ្វីដែលងាយៗ
បើមានលក្ខណៈផ្លូវការពេក និងមិនទាន់មើលឃើញពីគុណប្រយោជន៍របស់វានោះ ពួកគាត់មិនទទួលយកទៅអនុវត្តឡើយ
។ស្ថិតក្នុងស្ថានភាពបម្រែបម្រួលអាកាសធាតុ
ធ្វើឱ្យតំបន់មួយចំនួនមានបញ្ហាខ្វះទឹក និងលើសទឹក ការយកបច្ចេកទេសកសិកម្មថ្មីគឺសមស្របបំផុត
បើសិនប្រជាកសិករយល់ពីវា ឧទាហរណ៍ ការធ្វើស្រែនៅតំបន់មួយជួបប្រទះកង្វះទឹកដោយសារបម្រែបម្រួលអាកាសធាតុ
នៅពេលគាត់សាបសំណាបដល់អាយុត្រូវដក ស្រែសម្រាប់ស្ទូងគ្មានទឹក ពួកគាត់ពន្យាពេលដក
ធ្វើឱ្យសំណាបលើសអាយុ ហើយពេលមានទឹក
គាត់មិនមានសំណាបត្រូវស្ទួងទៅវិញ ។ស្ថិតក្នុងស្ថានភាព
ខាងលើបើគាត់យល់ពីសារៈប្រយោជន៍នៃថ្នាលដាប៉ុក ពិតជាអាចជួយគាត់បាន
ព្រោះ វាបានប្រែក្លាយពី ការរៀបចំសំណាបរងចាំដីស្ទួង មករៀបចំដី
ស្ទួងរងចាំសំណាបវិញ ហើយថ្នាលដាប៉ុកប្រើរយៈពេលខ្លី និងងាយស្រួលថែទាំ (អ្នកអាន-អ្នកសិក្សាអាចអានបន្ថែមលើបច្ចេកទេសប្រពលវប្បកម្មដំណាំស្រូវរបស់នាយកដ្ឋានដំណាំស្រូវនៃអគ្គនាយកដ្ឋានកសិកម្ម
) ។ជារួម ត្រូវធ្វើឱ្យគាត់យល់ពីសារៈប្រយោជន៍ហើយជាក់ស្តែងសម្រាប់បញ្ហាប្រឈមរបស់គាត់
ទើបការចាប់ផ្តើមទទួលយកប្រពលវប្បកម្ម មានប្រសិទ្ធភាព។ ភ្នាក់ងារអភិវឌ្ឍន៍ត្រូវគិតផងដែរពីការអភិវឌ្ឍលើចំណុចខ្លាំងរបស់សហគមន៍ដែលមានស្រាប់
រួមទាំងដំណោះស្រាយលើបញ្ហាប្រឈមនានា ។
៤-រាជរដ្ឋាភិបាលៈ ផ្នែកនេះសំខាន់បំផុតមួយក្នុងការលើកកម្ពស់ជំនឿចិត្ត
និងទំនុកចិត្តលើការងារកិសកម្ម ។បើកសិករត្រូវបានជួយជ្រំជ្រែង
និងគាំពារពេញលេញពីរដ្ឋាភិបាល នោះជំនឿចិត្ត និងទំនុកចិត្តលើការងារកសិកម្មនឹងកើនឡើង
។រដ្ឋត្រូវតែមានផែនការជួយដល់ប្រជាកសិករក្រីក្រក្នុងការផ្សារភ្ជាប់ខ្លួនទៅនឹងការងារកសិកម្មដោយប្រើប្រាស់ធនធានដែលមានស្រាប់
។ការលើកផែនការកសាងប្រព័ន្ធធារាសាស្រ្ត ការបណ្តុះបណ្តាលមន្ត្រី ជំនាញផ្នែកកសិកម្ម
និងបសុពេទ្យបានដល់កម្រិតឃុំ និងការចុះជួយដោយផ្ទាល់ជាប្រចាំតាមផ្ទះប្រជាកសិករដោយ
កំណត់ក្រុមគោលដៅច្បាស់លាស់ ជំរុញកិច្ចសហការ និងការគាំទ្រទុនឥណទាន គឺជាសកម្មភាពចាំបាច់បំផុតមួយ។បើសិនកសិកររងគ្រោះលើការងារកសិកម្ម
របស់ខ្លួន ដូចជារងការខូចខាតដោយសារជម្ងឺ សត្វល្អិតបំផ្លាញ
ឬករណីផ្សេងទៀត គប្បីមានអន្តរាគមន៍ទាន់ពេលវេលា
ឬបើសិនជាអាចរដ្ឋត្រូវផែនការរួមចំណែកជួយចេញខាត ឬជួយផលិតផលកសិករដែលរងគ្រោះ
ពីការធ្លាក់ទាបនៃតម្លៃ និងភាពពិបាករកទីផ្សារធ្វើយ៉ាងណាឱ្យប្រជាកសិករមានទំនុកចិត្តលើការងារកសិកម្ម
ហើយបន្តអនុវត្តសម្រាប់ឆ្នាំក្រោយៗទៀត ។បើសិនគ្មានការគាំពារដូច្នេះទេ
ពេលរងគ្រោះ ពួកគាត់នឹងបាត់បង់ទុន និងបាត់បង់ជំនឿចិត្ត ទំនុកចិត្តលើការងារស្រែចំការ
ហើយការអភិវឌ្ឍនឹងមានការវិវត្តទៅ មុខយឺត ។រដ្ឋគប្បីធានាទីផ្សារសម្រាប់ប្រជាកសិករ
កុំឱ្យឈ្មួញ ធ្វើព្យុះធ្វើភ្លៀងតាមតែអំពើចិត្ត ពិសេសឈ្មួញប្រទេសជិតខាងឆ្លៀតឱកាសកេងចំណេញលើប្រជាកសិករខ្មែរ
។ ដោយភាពខាតបង់លើការងារកសិកម្ម
បាននាំឱ្យប្រជាកសិករខ្មែរមួយចំនួនក្លាយទៅ
ជាអ្នកស៊ីឈ្នួលធ្វើស្រែចំការឱ្យគេ លើដីខ្លួនឯង ។មួយវិញទៀតរដ្ឋគប្បីបង្កើតនូវទីកន្លែងធនធានកសិកម្មនៅក្នុងកម្រិតស្រុកដើម្បីផលិតពូជ
បណ្តុះបណ្តាលបច្ចេកទេស និងចែកចាយជាឥណទានក្តីឬជាជំនួយឥតសំណងក្តី
ដល់ប្រជាកសិករក្រីក្រទូទាំងប្រទេស។
មួយផ្សេងទៀត រដ្ឋគប្បីលើក កម្ពស់ការយល់ដឹងរបស់ប្រជាកសិករទាក់ទងនឹងវិស័យកសិកម្មឱ្យបានទូលំទូលាយតាមរយៈការបញ្ជៀបក្នុងប្រព័ន្ធផ្សព្វផ្សាយដូចជា៖ ទូរទស្សន៍ វិទ្យុ...ជាដើម។ការធ្វើបែបនេះមានភាពចំណេញច្រើន ក្នុងការអូសទាញប្រជាកសិករឱ្យអភិវឌ្ឍន៍សេដ្ឋកិច្ចគ្រួសារតាមលំនាំគំរូនៃការលើកកម្លាំងចិន្តានុភាពអភិវឌ្ឍន៍ដែលបានធ្វើការផ្សព្វផ្សាយ ហើយការផ្សព្វផ្សាយនេះសោតគប្បីអនុវត្តនៅ ម៉ោងសំខាន់ៗដែលប្រជាកសិករភាគច្រើនចាប់អារម្មណ៍ និងទស្សនាបានច្រើនគ្នា ។ក្នុងន័យនេះប្រព័ន្ធផ្សព្វផ្សាយដើរ តួនាទី យ៉ាងសំខាន់ក្នុងចំណែកធ្វើឱ្យប្រសើរឡើង នូវសេដ្ឋកិច្ចសង្គម ដែលរាជរដ្ឋាភិបាលគួរយកចិត្តទុកដាក់ ឱ្យបានខ្លាំង ក្លា។ជារួម បើគ្មានការគាំទ្របែបនេះទេ ការអភិវឌ្ឍសេដ្ឋកិច្ចគ្រួសារតាមរយៈកសិកម្មដូចជា៖ ដាំដំណាំ ចិញ្ចឹមសត្វ ការធ្វើស្រែចំការ....នឹងជួបប្រទះការលំបាក និងភាពបរាជ័យច្រើន ហើយចុងបញ្ចប់មានតែកសិកម្មបែប សិប្បកម្ម និងឧស្សាហកម្មទេដែលជោគជ័យនិងទទួលបានប្រាក់ចំណេញ ៕
ដោយៈ ចៅ ឧស្សាហ៍ គ្រូបង្រៀនកម្រិតឧត្តម
មួយផ្សេងទៀត រដ្ឋគប្បីលើក កម្ពស់ការយល់ដឹងរបស់ប្រជាកសិករទាក់ទងនឹងវិស័យកសិកម្មឱ្យបានទូលំទូលាយតាមរយៈការបញ្ជៀបក្នុងប្រព័ន្ធផ្សព្វផ្សាយដូចជា៖ ទូរទស្សន៍ វិទ្យុ...ជាដើម។ការធ្វើបែបនេះមានភាពចំណេញច្រើន ក្នុងការអូសទាញប្រជាកសិករឱ្យអភិវឌ្ឍន៍សេដ្ឋកិច្ចគ្រួសារតាមលំនាំគំរូនៃការលើកកម្លាំងចិន្តានុភាពអភិវឌ្ឍន៍ដែលបានធ្វើការផ្សព្វផ្សាយ ហើយការផ្សព្វផ្សាយនេះសោតគប្បីអនុវត្តនៅ ម៉ោងសំខាន់ៗដែលប្រជាកសិករភាគច្រើនចាប់អារម្មណ៍ និងទស្សនាបានច្រើនគ្នា ។ក្នុងន័យនេះប្រព័ន្ធផ្សព្វផ្សាយដើរ តួនាទី យ៉ាងសំខាន់ក្នុងចំណែកធ្វើឱ្យប្រសើរឡើង នូវសេដ្ឋកិច្ចសង្គម ដែលរាជរដ្ឋាភិបាលគួរយកចិត្តទុកដាក់ ឱ្យបានខ្លាំង ក្លា។ជារួម បើគ្មានការគាំទ្របែបនេះទេ ការអភិវឌ្ឍសេដ្ឋកិច្ចគ្រួសារតាមរយៈកសិកម្មដូចជា៖ ដាំដំណាំ ចិញ្ចឹមសត្វ ការធ្វើស្រែចំការ....នឹងជួបប្រទះការលំបាក និងភាពបរាជ័យច្រើន ហើយចុងបញ្ចប់មានតែកសិកម្មបែប សិប្បកម្ម និងឧស្សាហកម្មទេដែលជោគជ័យនិងទទួលបានប្រាក់ចំណេញ ៕
ដោយៈ ចៅ ឧស្សាហ៍ គ្រូបង្រៀនកម្រិតឧត្តម
ឥណទានរីកចម្រេីន តែកសិកម្មមិនរីកចម្រេីន អាចធ្វេីឱ្យប្រជាពលរដ្ឋវន់កជាមួយបំណុលនាពេលអនាគត។
យុទ្ធសាស្ត្រអភិវឌ្ឍសំខាន់នោះ គឺជំរុញប្រជាជនផឹកកាហ្វេ ផ្តល់លទ្ធភាពឲ្យមនុស្សខ្មែរចេះពិភាក្សាចែករំលែកបទពិសោធន៍ រៀនសូត្រពីគ្នាទៅវិញទៅមក។វាប្រសើរជាងផឹកស្រា។
No comments:
Post a Comment
សូមផ្តល់ជាមតិយោបល់នៅចំណុចនេះ!